ଦୀପାବଳି ଅବସରରେ ଦେଶବାସୀଙ୍କୁ ବିଜୟ ଉପହାର ଦେଲେ ଟିମ୍ ଇଣ୍ଡିଆ । ୱେଲିଂଟନର ହେନରୀ ଷ୍ଟାଡିୟମରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ଭାରତ DLS ନିୟମ ଅନୁଯାୟୀ ନ୍ୟୁଜିଲ୍ୟାଣ୍ଡକୁ 4 ରନରେ ପରାସ୍ତ କରିଥିଲା। ଶୁଭମନ ଗିଲଙ୍କ ଅଧିନାୟକତ୍ୱରେ ଏହି ଦଳ ନ୍ୟୁଜିଲ୍ୟାଣ୍ଡ ମାଟିରେ ଲଗାତାର ଦ୍ୱିତୀୟ ଦିନିକିଆ ଜିତି ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ 2-0ର ଦୃଢ଼ ଅଗ୍ରଣୀ ହାସଲ କରିଥିଲା ।
ଟସ ଜିତି ଭାରତ ବୋଲିଂ ନିଷ୍ପତ୍ତି ନେଇ ନ୍ୟୁଜିଲ୍ୟାଣ୍ଡକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ଭାରତୀୟ ଦଳ 41 ଓଭରରେ ନ୍ୟୁଜିଲ୍ୟାଣ୍ଡକୁ ମାତ୍ର 134 ରନରେ ଅଲଆଉଟ୍ କରିଥିଲା। ଜବାବରେ, ଟିମ୍ ଇଣ୍ଡିଆର ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇ 86 ରନରେ 5 ୱିକେଟ ହରାଇଥିଲା। କେଏଲ ରାହୁଲ 38 ବଲରୁ ଅପରାଜିତ 26 ରନ କରି ଭାରତକୁ ବିଜୟୀ କରାଇଥିଲେ। ଶ୍ରେୟସ ଆୟର 30 ରନ ଏବଂ ନମନ ଧୀର 12 ରନ ମଧ୍ୟ ଭଲ ସମର୍ଥନ ଦେଇଥିଲେ। ଟିମ୍ ଇଣ୍ଡିଆ 26 ଓଭରରେ 7 ୱିକେଟ ହରାଇ 126 ରନ କରିଥିଲା ଯେତେବେଳେ ବର୍ଷା ହୋଇଥିଲା ଏବଂ ଖେଳ ବନ୍ଦ ହୋଇଯାଇଥିଲା। ଡିଏଲଏସ ସ୍କୋରରେ ଟିମ୍ ଇଣ୍ଡିଆ 4 ରନ ଆଗରେ ଥିଲା, ଏବଂ ଏହା ଫଳରେ ନ୍ୟୁଜିଲ୍ୟାଣ୍ଡ ପରାଜୟବରଣ କରିଥିଲା।
