ଭୁବନେଶ୍ୱର, ଶାହାରୁଖ ଖାନ ଏବଂ ଦୀପିକା ପାଦୁକୋନଙ୍କ ଯୋଡ଼ି, ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ।ତାଙ୍କର ଆଗାମୀ ଚଳଚ୍ଚିତ୍ର ‘କିଙ୍ଗ୍’ ର ନିର୍ମାତାମାନେ, ଏହି ଫିଲ୍ମର ପ୍ରଥମ ଗୀତ ‘ତୁ ମିଲ୍ ଯାଏ’ ରିଲିଜ କରିଛନ୍ତି । ଏହି ଚଳଚ୍ଚିତ୍ରରେ ସୁହାନା ଖାନ, ଅଭିଷେକ ବଚ୍ଚନ, ଜୟଦୀପ ଅହଲାୱତ, ଅଭୟ ବର୍ମା ଏବଂ ଅର୍ଶଦ ୱର୍ସି ମଧ୍ୟ ମୁଖ୍ୟ ଭୂମିକାରେ, ନଜର ଆସିବେ । ଏକ ଜବରଦସ୍ତ ଆକ୍ସନ୍ ମନୋରଞ୍ଜନଧର୍ମୀ ଚଳଚ୍ଚିତ୍ର ଭାବରେ, ଉପସ୍ଥାପିତ ହେବାକୁ ଥିବା ‘କିଙ୍ଗ୍’ ୨୦୨୬ ମସିହା ଡିସେମ୍ବର ୨୪ ତାରିଖରେ ବିଶ୍ୱବ୍ୟାପୀ ପ୍ରେକ୍ଷାଳୟରେ, ମୁକ୍ତିଲାଭ କରିବ ।ଶାହାରୁଖ ଖାନ ଏବଂ ଦୀପିକା ପାଦୁକୋନଙ୍କ ଅଭିନୀତ ଏହି ରୋମାଣ୍ଟିକ ଗୀତଟି, ପରଦାରେ ଉଭୟଙ୍କ ମଧ୍ୟରେ ଥିବା ଚମତ୍କାର କେମିଷ୍ଟ୍ରିକୁ, ଦର୍ଶାଇଛି । ଅରିଜିତ ସିଂ ଏବଂ ମଧୁବନ୍ତୀ ବାଗଚୀ ଏଥିରେ, କଣ୍ଠଦାନ କରିଥିବା ବେଳେ, ଅନ୍ତର୍ଜାତୀୟ ପପ୍ ତାରକା ଏଡ୍ ଶିରନ ଏଥିରେ ଏକ ଇଂରାଜୀ ‘ରାପ୍’ ଯୋଡ଼ିଛନ୍ତି । ସଚିନ-ଜିଗରଙ୍କ ଦ୍ୱାରା ସଙ୍ଗୀତବଦ୍ଧ ଏହି ଗୀତଟିକୁ କୁମାର ଲେଖିଛନ୍ତି ଏବଂ ଏହାର ନୃତ୍ୟ ନିର୍ଦ୍ଦେଶନା ଦେଇଛନ୍ତି, ପୀୟୂଷ ଓ ଶାଜିଆ ।ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ଏବଂ ରେଡ୍ ଚିଲିଜ୍ ଏଣ୍ଟରଟେନମେଣ୍ଟ ଏବଂ ମାର୍ଫ୍ଲିକ୍ସ ପିକଚର୍ସ ଦ୍ୱାରା ନିର୍ମିତ, କିଙ୍ଗ୍ ସେମାନଙ୍କର ସଫଳ ଆକ୍ସନ୍ ମନୋରଞ୍ଜନ ପଠାଣ ପରେ, ଶାହାରୁଖଙ୍କ ଆନନ୍ଦଙ୍କ ସହିତ ଦ୍ୱିତୀୟ ସହଯୋଗକୁ ଚିହ୍ନିତ କରେ ।
