ଭୁବନେଶ୍ୱର, ଶୀତ ଋତୁ ଆରମ୍ଭ ହେବା ସହିତ ଦିଲ୍ଲୀରେ ପ୍ରଦୂଷଣ ସ୍ତର, ବୃଦ୍ଧି ପାଇବା ଆରମ୍ଭ କରେ। ସରକାର ବାୟୁ ଗୁଣବତ୍ତା ଉନ୍ନତ କରିବା ପାଇଁ, ପ୍ରସ୍ତୁତି ଆରମ୍ଭ କରିସାରିଛନ୍ତି। ନଭେମ୍ବର ୧ ରୁ ଦିଲ୍ଲୀରେ ପ୍ରବେଶ କରୁଥିବା ଏବଂ ବାହାରକୁ ଯାଉଥିବା ଯାନବାହାନ ପାଇଁ, ନୂତନ ନିୟମ ଲାଗୁ କରାଯାଉଛି। ନିୟମ ଅନୁଯାୟୀ, କିଛି ଯାନବାହାନର ପ୍ରବେଶ ନିଷେଧ କରାଯିବ, ବୈଧ ପ୍ରଦୂଷଣ ପ୍ରମାଣପତ୍ର ବିନା ପେଟ୍ରୋଲ ଏବଂ ଡିଜେଲ ଉପଲବ୍ଧ ହେବ ନାହିଁ। ପାର୍କିଂ ଶୁଳ୍କ ମଧ୍ୟ ବୃଦ୍ଧି କରାଯାଇଛି। ଯଦି ଆପଣ ଦିଲ୍ଲୀରେ କିମ୍ବା ଏହାର ନିକଟରେ, ରହୁଛନ୍ତି ଏବଂ ପ୍ରତିଦିନ ସହରକୁ ଯାତାୟାତ କରୁଛନ୍ତି, ତେବେ ଏହି ପରିବର୍ତ୍ତନଗୁଡ଼ିକ ବିଷୟରେ, ଜାଣିବା ଗୁରୁତ୍ୱପୂର୍ଣ୍ଣ।ଦିଲ୍ଲୀ ଟ୍ରାଫିକ୍ ପୁଲିସ ଦ୍ୱାରା ଜାରି କରାଯାଇଥିବା,ନଭେମ୍ବର ୧ ଠାରୁ, ଦିଲ୍ଲୀ ବାହାରେ ପଞ୍ଜିକୃତ ,ବିଏସ -୬ ନିର୍ଗମନ ମାନଦଣ୍ଡ ତଳେ ଥିବା ଯାନବାହାନର ପ୍ରବେଶ ନିଷେଧ କରାଯିବ। ଦିଲ୍ଲୀରେ ପ୍ରଦୂଷଣ ରୋକିବା ପାଇଁ, ‘ନୋ ବୈଧ ପିୟୁସିସି,ନୋ ଇନ୍ଧନ’ ନୀତି ମଧ୍ୟ କାର୍ଯ୍ୟକାରୀ କରାଯିବ। ଏହା ଅଧୀନରେ, ଯେଉଁ ଯାନଗୁଡ଼ିକର ବୈଧ ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର ନାହିଁ, ସେମାନଙ୍କୁ ପେଟ୍ରୋଲ କିମ୍ବା ଡିଜେଲ ଯୋଗାଇ ଦିଆଯିବ ନାହିଁ। C N G କାର୍ ବ୍ୟବହାରକାରୀଙ୍କୁ, ଏହି ପ୍ରତିବନ୍ଧକରୁ ମୁକ୍ତ କରାଯିବ।ପ୍ରଦୂଷଣ ହ୍ରାସ କରିବା ପାଇଁ, ନଭେମ୍ବର ୧ ରୁ ଦିଲ୍ଲୀରେ, ପାର୍କିଂ ଚାର୍ଜ ମଧ୍ୟ ବୃଦ୍ଧି କରାଯାଇଛି। ଏବେ, ବ୍ୟକ୍ତିଗତ ଯାନଗୁଡ଼ିକୁ ଅନୁମୋଦିତ ପାର୍କିଂ ସ୍ଥାନରେ, ପୂର୍ବ ଶୁଳ୍କର ଦୁଇଗୁଣ ଦେବାକୁ ପଡ଼ିବ। ଇଲେକ୍ଟ୍ରିକ୍ ଯାନଗୁଡ଼ିକୁ, ପାର୍କିଂ ଚାର୍ଜରୁ ମୁକ୍ତ କରାଯାଇଛି।
