ଭୁବନେଶ୍ୱର ,ଇରାନ ସାମରିକ ବାହିନୀ ନୂତନ ଡ୍ରୋନଗୁଡ଼ିକୁ, ସେବାରେ ସାମିଲ କରିବାକୁ ଘୋଷଣା କରିଛି, ଏବଂ ଏହାର କ୍ଷେପଣାସ୍ତ୍ର ପ୍ରଣାଳୀକୁ ମଧ୍ୟ ଉନ୍ନତ ପ୍ରଯୁକ୍ତିବିଦ୍ୟା ସହିତ ଉନ୍ନତ କରାଯାଇଛି।ଇରାନର ଏହି ପ୍ରମୁଖ ଦାବିଗୁଡ଼ିକ ଏପରି ଏକ ସମୟରେ ଆସିଛି ଯେତେବେଳେ ଆମେରିକା ଏବଂ ଇରାନ ମଧ୍ୟରେ ସମ୍ପ୍ରତି ସ୍ୱାକ୍ଷରିତ ବୁଝାମଣାପତ୍ରର, ଭବିଷ୍ୟତ ସନ୍ଦେହ ଘେରକୁ ଠେଲି ଦିଆଯାଇଛି।ଇରାନୀ ସାମରିକ ମୁଖପାତ୍ର ଆକ୍ରାମିନିଆ, ବିଶେଷ ଭାବରେ ନୂତନ ପିଢ଼ିର ଡ୍ରୋନ ବିଷୟରେ ଉଲ୍ଲେଖ କରି କହିଛନ୍ତି ଯେ ସେମାନେ ଯୁଦ୍ଧ ମଧ୍ୟରେ, ସେଗୁଡ଼ିକୁ ସେବାରେ ସାମିଲ କରିବାରେ ସଫଳ ହୋଇଛନ୍ତି।ଡ୍ରୋନଗୁଡ଼ିକ ଆରଶ-୨ ପରି ପୂର୍ବ ସିଷ୍ଟମ ଅପେକ୍ଷା ବହୁତ ଉନ୍ନତ। ସେ ଆହୁରି ମଧ୍ୟ କହିଛନ୍ତି ଯେ ସେମାନେ ଖୁବ୍ ଶୀଘ୍ର ଇରାନୀ ଜନସାଧାରଣଙ୍କୁ, ଏହି ଡ୍ରୋନର ପୂର୍ଣ୍ଣ କ୍ଷମତା ବିଷୟରେ ସୂଚନା ଦେବେ।ଇରାନର କହିବା କଥା ,ଏହା କି ଏହି ସଂଘର୍ଷ ସମୟରେ ଏହାର ଅସ୍ତ୍ରଶସ୍ତ୍ର ଭଣ୍ଡାରର ବିସ୍ତାର ଏକ ସୁରକ୍ଷିତ ଏବଂ ଶକ୍ତିଶାଳୀ ଭବିଷ୍ୟତ ଗଠନ ପାଇଁ, ବ୍ୟବହୃତ ହେବ। ଏହା ବ୍ୟତୀତ, ଘରୋଇ ଉତ୍ପାଦନ ସହିତ ବନ୍ଧୁତ୍ୱପୂର୍ଣ୍ଣ ରାଷ୍ଟ୍ରଗୁଡ଼ିକଠାରୁ, ଉନ୍ନତ ଉପକରଣ ହାସଲ କରିବାକୁ ଯୋଜନା ଚାଲିଛି।
