ଭୁବନେଶ୍ୱର,ଆଫ୍ରିକା ମହାଦେଶରେ ଇବୋଲା ଭାଇରସ ଦ୍ରୁତ ଗତିରେ, ବ୍ୟାପିବାରେ ଲାଗିଛି। କଙ୍ଗୋ ଏବଂ ଉଗାଣ୍ଡାରେ ବଢ଼ୁଥିବା ମାମଲାକୁ ଦୃଷ୍ଟିରେ ରଖି, ଭାରତ ସରକାର କଙ୍ଗୋ, ଉଗାଣ୍ଡା ଏବଂ ଦକ୍ଷିଣ ସୁଡାନ ପାଇଁ ଏକ ଯାତ୍ରା ପରାମର୍ଶ ଜାରି କରିଛନ୍ତି। କେନ୍ଦ୍ର ସରକାର ଭାରତୀୟ ନାଗରିକମାନଙ୍କୁ, ଏହି ଦେଶଗୁଡ଼ିକୁ ଅଣ-ଅତ୍ୟାବଶ୍ୟକ ଯାତ୍ରା ଏଡାଇବାକୁ, ଅନୁରୋଧ କରିଛନ୍ତି।ଯଦି ଜ୍ୱର, ଦୁର୍ବଳତା, ମୁଣ୍ଡବିନ୍ଧା, ମାଂସପେଶୀ ଯନ୍ତ୍ରଣା, ବାନ୍ତି, ଡାଇରିଆ, ଗଳା ଯନ୍ତ୍ରଣା କିମ୍ବା ରକ୍ତସ୍ରାବ ଭଳି ଲକ୍ଷଣ ଦେଖାଯାଏ, ତେବେ ସେମାନେ ତୁରନ୍ତ ବିମାନବନ୍ଦର, ସ୍ୱାସ୍ଥ୍ୟ ଡେସ୍କ କିମ୍ବା ନିକଟତମ ଡାକ୍ତରଙ୍କ ସହିତ, ଯୋଗାଯୋଗ କରିବା ଉଚିତ। ଯାତ୍ରୀମାନେ, ଇମିଗ୍ରେସନ ପୂର୍ବରୁ ସ୍ୱାସ୍ଥ୍ୟ ଅଧିକାରୀଙ୍କୁ ସେମାନଙ୍କର ସମ୍ପୂର୍ଣ୍ଣ ଯାତ୍ରା ଇତିହାସ ପ୍ରଦାନ କରିବାକୁ ପଡ଼ିବ।ବୈଦେଶିକ ବ୍ୟାପାର ମନ୍ତ୍ରଣାଳୟ, ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟର ମିଳିତ ପରାମର୍ଶ ଅନୁଯାୟୀ, ଏହି ତିନୋଟି ଦେଶରୁ ଫେରୁଥିବା କିମ୍ବା ଯାତାୟାତ କରୁଥିବା ଯାତ୍ରୀମାନେ ୨୧ ଦିନ ପାଇଁ, ସେମାନଙ୍କ ସ୍ୱାସ୍ଥ୍ୟ ଉପରେ ନଜର ରଖିବାକୁ ପଡ଼ିବ।ତଥାପି, କେରଳ ଏବଂ କର୍ଣ୍ଣାଟକ ପରେ, ଆନ୍ଧ୍ର ପ୍ରଦେଶ ମଧ୍ୟ ବିମାନବନ୍ଦର, ନଜର ରଖିବା ଆରମ୍ଭ କରିଛି। ପ୍ରଭାବିତ ଦେଶରୁ ଆସୁଥିବା ଯାତ୍ରୀମାନଙ୍କୁ ବିଶାଖାପାଟଣା, ତିରୁପତି ଏବଂ ବିଜୟୱାଡା ବିମାନବନ୍ଦରରେ ସ୍କ୍ରିନିଂ କରାଯାଉଛି।
