ଭୁବନେଶ୍ୱର , ୧୨ ସେଟ ନାମାଙ୍କନପତ୍ର, ଦୁଇଦିନରେ ବିଭିନ୍ନ ରାଜନୈତିକ ଦଳ ଏବଂ ସ୍ବାଧୀନ ପ୍ରାର୍ଥୀ ନେଇଛନ୍ତି।
ବିଜେଡି ୬ସେଟ୍, କଂଗ୍ରେସ ୩ସେଟ୍ ଏବଂ ତିନିଜଣ ସ୍ବାଧୀନ ପ୍ରାର୍ଥୀ ଗୋଟିଏ ଲେଖାଏଁ ନାମାଙ୍କନପତ୍ର ନେଇଥିବା ଜଣାପଡ଼ିଛି।
ପ୍ରଥମ ଦିନ ବିଜେଡି ରାଜ୍ୟସଭା ସାଂସଦ ଡ. ସସ୍ମିତ ପାତ୍ର ୬ଟି ସେଟ୍ ନାମାଙ୍କନପତ୍ର ନେଇଥିବା ବେଳେ ତେଲେଙ୍ଗାନାର କାନ୍ତେ ସାୟାନ୍ନା ସ୍ବାଧୀନ ପ୍ରାର୍ଥୀ ଭାବେ ଗୋଟିଏ ସେଟ୍ ନାମାଙ୍କନପତ୍ର ନେଇଥିଲେ।
ଶୁକ୍ରବାର କଂଗ୍ରେସ ବିଧାୟକ ସତ୍ୟଜିତ ଗମାଙ୍ଗୋ ୩ସେଟ୍ ନାମାଙ୍କନପତ୍ର ନେଇଛନ୍ତି।
ଖୋରଧା ଜିଲାର ଗୁରୁଜଙ୍ଗ ଅଞ୍ଚଳର ଜଣେ ବ୍ୟକ୍ତି ସ୍ବାଧୀନ ପ୍ରାର୍ଥୀ ଭାବେ ଗୋଟିଏ ସେଟ୍ ନାମାଙ୍କନପତ୍ର ନେଇଛନ୍ତି।
କଟକ ପୁରୀଘାଟ ଅନ୍ତର୍ଗତ ତେଲେଙ୍ଗା ବଜାର ଅଞ୍ଚଳର ଜଣେ ବ୍ୟକ୍ତି ସ୍ବାଧୀନ ପ୍ରାର୍ଥୀ ଭାବେ ଗୋଟିଏ ସେଟ୍ ନାମାଙ୍କନପତ୍ର ନେଇଛନ୍ତି।
