ପ୍ରଥମ ପତ୍ନୀ ପାୟଲଙ୍କଠାରୁ ଅଲଗା ହେବା ପରେ ଦ୍ୱିତୀୟ ଇନିଂସ ଆରମ୍ଭ କରିଛନ୍ତି ଜମ୍ମୁ ଏବଂ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା । ନିଧି ରାଜଦାନଙ୍କୁ ଦ୍ଵିତୀୟ ବିବାହ କରିଛନ୍ତି । ସୋସିଆଲ ମିଡିଆରେ ତାଙ୍କ ସହ ଏକ ଫଟୋ ପୋଷ୍ଟ କରି ଏହା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା । ନିଜ ନିଜ ଆକାଉଣ୍ଟରେ ଏକ ମୁଦି ଧରିଥିବା ଫଟୋ ପୋଷ୍ଟ କରି ସେମାନଙ୍କର ନିର୍ବନ୍ଧ ଘୋଷଣା କରିଥିଲେ। ଏହା ପରେ ଅନେକ ସାମ୍ବାଦିକ ଏବଂ ଜନସାଧାରଣ ସେମାନଙ୍କୁ ଅଭିନନ୍ଦନ ଜଣାଇଛନ୍ତି।
ନିଧି ରାଜଦାନ ଜଣେ ପ୍ରସିଦ୍ଧ ନ୍ୟୁଜ୍ ଆଙ୍କର। ସେ ଦୀର୍ଘ ସମୟ ଧରି NDTV ସହିତ ଜଡିତ ଥିଲେ, ସେଠାରେ ଅନେକ ଗୁରୁତ୍ୱପୂର୍ଣ୍ଣ ଶୋ’ର ଆଙ୍କରିଂ କରିଥିଲେ। ଯେତେବେଳେ NDTVର ମାଲିକାନା ପ୍ରଣୟ ରାୟଙ୍କଠାରୁ ଆଦାନୀ ଗ୍ରୁପ୍ ପାଖକୁ ସ୍ଥାନାନ୍ତରିତ ହେଲା, ସେ ଟିଭି ଚ୍ୟାନେଲ୍ ଛାଡି ଶିକ୍ଷାନୁଷ୍ଠାନ ଏବଂ ଡିଜିଟାଲ୍ ମିଡିଆରେ ଯୋଗ ଦେଇଥିଲେ। ସେ ବର୍ତ୍ତମାନ IILM ଇନଷ୍ଟିଚ୍ୟୁଟରେ ଯୋଗାଯୋଗ ବିଭାଗର ନିର୍ଦ୍ଦେଶକ।
କେବଳ ଏତିକି ନୁହେଁ ନିଧି ରାଜଦାନ ମୋଦି ସରକାରଙ୍କର ଜଣେ କଡ଼ା ସମାଲୋଚକ। ତାଙ୍କ ଏକ୍ସ ହ୍ୟାଣ୍ଡଲରେ, ସେ ସରକାରଙ୍କ ଅନେକ ନୀତି ଉପରେ ପ୍ରଶ୍ନ ଉଠାଇଛନ୍ତି। ସେ ପଶ୍ଚିମବଙ୍ଗରେ ବିଜେପିର ବିଜୟକୁ ଭୋଟ ଚୋରିର ପରିଣାମ ବୋଲି ବର୍ଣ୍ଣନା କରିଛନ୍ତି। ସେ ବର୍ତ୍ତମାନର ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ବିରୁଦ୍ଧରେ ମଧ୍ୟ ସ୍ୱର ଉଠାଇଛନ୍ତି ।
