ବିଧାନସଭା ନିର୍ବାଚନ ପାଇଁ ବହୁତ କମ ସମୟ ବାକି ଅଛି। ଏହା ପୂର୍ବରୁ ସରକାର ଘୋଷଣାର ବର୍ଷା କରୁଛନ୍ତି | ରାଜ୍ୟର ୧ କୋଟି ମହିଳାଙ୍କୁ ପ୍ରତ୍ୟେକଙ୍କୁ ୧ ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରିବାକୁ ଯୋଜନା କରୁଛନ୍ତି ଯୋଗୀ ସରକାର | ଏହି ଅର୍ଥରାଶି ତିନୋଟି ସୁଧ-ମୁକ୍ତ କିସ୍ତିରେ ପ୍ରଦାନ କରାଯିବ। ପ୍ରଥମ କିସ୍ତି ୨୦,୦୦୦ ଟଙ୍କା, ଦ୍ୱିତୀୟ କିସ୍ତି ୩୦,୦୦୦ ଟଙ୍କା ଏବଂ ତୃତୀୟ କିସ୍ତି ୫୦,୦୦୦ ଟଙ୍କା ହେବ। ଏହି ଆର୍ଥିକ ସହାୟତା ’ଆଜୀବିକା ମିଶନ ଅଧୀନରେ ପ୍ରଦାନ କରାଯିବ।
ରାଜ୍ୟର ଏକ କୋଟି ମହିଳା କ୍ଷୁଦ୍ର ବ୍ୟବସାୟ ଏବଂ ବିଦ୍ୟମାନ ଉଦ୍ୟୋଗ ବିସ୍ତାର କରିବା ପାଇଁ ଋଣ ପାଇବେ। ଏହି ନିଷ୍ପତ୍ତି ସହିତ, ଉତ୍ତର ପ୍ରଦେଶର ବିଜେପି ସରକାର 3-4 କୋଟି ମହିଳାଙ୍କୁ ଆକର୍ଷିତ କରିବାକୁ ଚେଷ୍ଟା କରୁଛି। ୨୦୨୭ ନିର୍ବାଚନ ପୂର୍ବରୁ ବିଜେପି ସରକାର ମହିଳା ଭୋଟ ବ୍ୟାଙ୍କ ଉପରେ ଅଧିକ ଧ୍ୟାନ ଦେଉଛି।ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମହିଳାମାନଙ୍କ ପାଇଁ କ୍ରମାଗତ ଭାବେ ବଡ଼ ଘୋଷଣା କରୁଛନ୍ତି।
ଯୋଗୀ ସରକାର ନିର୍ବାଚନ ପୂର୍ବରୁ ମହିଳାମାନଙ୍କୁ ୫୦,୦୦୦ ଟଙ୍କାର ଆର୍ଥିକ ସହାୟତା ପ୍ରଦାନ କରିବାକୁ ଯୋଜନା କରୁଛନ୍ତି। ମୁଖ୍ୟମନ୍ତ୍ରୀ ଯୋଗୀ ମହିଳାମାନଙ୍କ ପାଇଁ ଅନେକ ସୁବିଧା ଘୋଷଣା କରିଛନ୍ତି, ଯେପରିକି:
ଉତ୍ତର ପ୍ରଦେଶ ମହିଳା ଉଦ୍ୟୋଗୀ ଋଣ ଯୋଜନା
ମାଗଣା ସ୍କୁଟି ଯୋଜନା
ଲକ୍ଷପତି ଦିଦି ଏବଂ ସ୍ବୟଂ ସହାୟକ ଗୋଷ୍ଠୀ
୫୦,୦୦୦ ଟଙ୍କା ନଗଦ ସହାୟତା ଯୋଜନା (ପ୍ରସ୍ତାବିତ)
ଅସହାୟ ମହିଳାଙ୍କ ପାଇଁ ପେନସନ
ମିଶନ ଶକ୍ତି ୫.୦
ମୁଖ୍ୟମନ୍ତ୍ରୀ କନ୍ୟା ସୁମଙ୍ଗଳା ଯୋଜନା
ମାଗଣା ସଡ଼କ ପରିବହନ ଯୋଜନା (୬୦ ବର୍ଷରୁ ଅଧିକ ବୟସ୍କଙ୍କ ପାଇଁ)‘୮୧’ ମହିଳା ହେଲ୍ପଲାଇନ ଏବଂ ୱାନ-ଷ୍ଟପ ସେଣ୍ଟର
ତେବେ ଉତ୍ତର ପ୍ରଦେଶ ବିଧାନସଭା ନିର୍ବାଚନ ୨୦୨୬ ମସିହା ଫେବୃଆରୀ ଓ ମାର୍ଚ୍ଚ ମାସ ମଧ୍ୟରେ ଅନୁଷ୍ଠିତ ହେବାର ସମ୍ଭାବନା ରହିଛି। ନିର୍ବାଚନ ଆୟୋଗ ଯଥାସମୟରେ ନିର୍ବାଚନ କାର୍ଯ୍ୟସୂଚୀ ଘୋଷଣା କରିବେ। ଏହି ନିର୍ବାଚନ ୪୦୩ଟି ବିଧାନସଭା ଆସନ ପାଇଁ ଅନୁଷ୍ଠିତ ହେବ। ବର୍ତ୍ତମାନର ବିଧାନସଭାର କାର୍ଯ୍ୟକାଳ ୨୦୨୭ ମସିହା ମେ’ ୨୨ ତାରିଖରେ ଶେଷ ହେବ।
