ଭୁବନେଶ୍ୱର,ଠିଆ ହୋଇ ପାଣି ପିଇବା କେବଳ ଏକ ଅଭ୍ୟାସ ନୁହେଁ,ଏହା ସ୍ୱାସ୍ଥ୍ୟ ସମ୍ବନ୍ଧୀୟ ଗମ୍ଭୀର ସମସ୍ୟା ମଧ୍ୟ ସୃଷ୍ଟି କରିପାରେ। କୁହାଯାଏ ଯେ, ଭୁଲ ଉପାୟରେ ପାଣି ପିଇବା ଦ୍ଵାରା କିଡନୀ ଏବଂ ପାଚନ ପ୍ରଣାଳୀ ଉପରେ କ୍ଷତିକାରକ ପ୍ରଭାବ ପଡ଼ିପାରେ।ଯେତେବେଳେ ଆମେ, ଠିଆ ହୋଇ ପାଣି ପିଉ, ଏହା ଦ୍ରୁତ ଏବଂ ବିନା ବାଧାରେ ଏକ ଶକ୍ତିଶାଳୀ ସ୍ରୋତରେ, ସିଧାସଳଖ ଖାଦ୍ୟ ନଳୀ ଦେଇ ପେଟର ତଳ ଭାଗକୁ ପ୍ରବାହିତ ହୁଏ। ଏହା ପେଟ ଚାରିପାଖରେ ଥିବା ଅଙ୍ଗଗୁଡ଼ିକୁ ହଠାତ୍ ଆଘାତ ସୃଷ୍ଟି କରେ। ଫଳସ୍ୱରୂପ, ପାଚନ ପ୍ରଣାଳୀରେ ବାଧା ସୃଷ୍ଟି ହେବାର ଆଶଙ୍କା ବୃଦ୍ଧି ପାଏ। ଦୀର୍ଘକାଳୀନ ଭାବରେ, ଏହି ଅଭ୍ୟାସ ‘ଏସିଡ୍ ରିଫ୍ଲକ୍ସ’ କିମ୍ବା ଗ୍ୟାଷ୍ଟ୍ରୋଏସୋଫେଜିଆଲ୍ ରିଫ୍ଲକ୍ସ ରୋଗ, ଭଳି ସମସ୍ୟା ସୃଷ୍ଟି କରିପାରେ।ଠିଆ ହୋଇ ପାଣି ପିଇବାର ସବୁଠାରୁ ଗୁରୁତ୍ୱପୂର୍ଣ୍ଣ, ପ୍ରତିକୂଳ ପ୍ରଭାବ ଗଣ୍ଠି ଉପରେ ପଡ଼ିଥାଏ। ବିଶେଷଜ୍ଞଙ୍କ ମତରେ, ଠିଆ ହୋଇ ପାଣି ପିଇବା ଦ୍ୱାରା ଶରୀର ଭିତରେ ତରଳ ପଦାର୍ଥର ସନ୍ତୁଳନ ବିଗିଡ଼ିଯାଏ। ଏହି ଅତିରିକ୍ତ ତରଳ ପଦାର୍ଥ, ଗଣ୍ଠିରେ ଜମା ହେବା ଆରମ୍ଭ କରେ, ଯାହା ସନ୍ଧି ଯନ୍ତ୍ରଣା କିମ୍ବା ଗଣ୍ଠି ଯନ୍ତ୍ରଣା ଭଳି ଗମ୍ଭୀର ଅବସ୍ଥା ସୃଷ୍ଟି କରିପାରେ।ବିଜ୍ଞାନ ଅନୁସାରେ, ଯେତେବେଳେ ଆମେ ଠିଆ ହୋଇଥାଉ, ଆମର ଶରୀର ‘ଫାଇଟ୍ ଅର୍ ଫ୍ଲାଇଟ୍’ ମୋଡ୍ ରେ ରହେ, ଯାହା ଫଳରେ ଏହା ଚାପ ଅନୁଭବ କରେ। ବିପରୀତ ଭାବରେ, ବସି ପାଣି ପିଇବା ଦ୍ୱାରା ପାରାସିମ୍ପାଥେଟିକ୍ ସ୍ନାୟୁ ପ୍ରଣାଳୀ ସକ୍ରିୟ ହୁଏ, ଯାହା ଶରୀରକୁ ଶାନ୍ତ କରେ ଏବଂ ପୋଷକ ତତ୍ତ୍ୱର ଉତ୍ତମ ଅବଶୋଷଣକୁ ସହଜ କରେ।
