ଭୁବନେଶ୍ୱର,ଆଧାର ସମ୍ବନ୍ଧୀୟ ସୂଚନା ଅପଡେଟ୍ କରିବା ଏବେ ପୂର୍ବ ଅପେକ୍ଷା ଯଥେଷ୍ଟ ସହଜ ହୋଇଯାଇଛି। ଆଧାର ଆପ୍ ମାଧ୍ୟମରେ, ଆପଣ କୌଣସି କେନ୍ଦ୍ରକୁ, ନ ଯାଇ ଜରୁରୀ ପରିବର୍ତ୍ତନ କରିପାରିବେ – ଯେପରିକି ଆପଣଙ୍କର ମୋବାଇଲ୍ ନମ୍ବର ଏବଂ ଠିକଣା ଅପଡେଟ୍ କରିପାରିବେ। ଏହି ସୁବିଧା ବିଶେଷ ଭାବରେ ଦୁର୍ଗମ ଅଞ୍ଚଳରେ ରହୁଥିବା କିମ୍ବା ଯେଉଁମାନଙ୍କ ପାଖରେ ସମୟ କମ୍ ଅଛି ସେମାନଙ୍କ ପାଇଁ ଲାଭଦାୟକ। ଆଧାର ଆପ୍ ଯୋଗୁଁଁ, ଏହି କାମ ଏବେ ଘରେ ବସି ସିଧାସଳଖ ଆପଣଙ୍କ ସ୍ମାର୍ଟଫୋନ୍ ବ୍ୟବହାର କରି କରି ପାରିବେ। ଏହା କେବଳ ଆପଣଙ୍କର ସମୟ ବଞ୍ଚାଇବ ନାହିଁ, ବରଂ ଲମ୍ବା ଧାଡ଼ିରେ ଠିଆ ହେବା ଏବଂ କାଗଜପତ୍ର କାମ କରିବାରୁ ମଧ୍ୟ ମୁକ୍ତି ଦେବ। ମୋବାଇଲ୍ ନମ୍ବର ଅପଡେଟ୍ କରିବା ପାଇଁ ପ୍ରଥମେ ଗୁଗଲ୍ ପ୍ଲେ ଷ୍ଟୋର୍ କିମ୍ବା ଆପେଲ୍ ପ୍ଲେ ଷ୍ଟୋର୍ ରୁ ଆପ୍ ଡାଉନଲୋଡ୍ କରନ୍ତୁ ଏବଂ ଏହାକୁ ଓପନ୍ କରନ୍ତୁ। ଏହା ପରେ ‘ମୋବାଇଲ୍ ନମ୍ବର ଅପଡେଟ୍ କରନ୍ତୁ’ ବିକଳ୍ପ ଚୟନ କରନ୍ତୁ ଏବଂ ଆପଣଙ୍କର ନୂତନ ନମ୍ବର ପ୍ରବେଶ କରନ୍ତୁ। ଆପଣ ଏହି ନୂତନ ନମ୍ବରରେ ଏକ ଓଟିପି ପାଇବେ, ଯାହା ଆପଣଙ୍କୁ ଆପ୍ ରେ ପ୍ରବେଶ କରିବାକୁ ପଡ଼ିବ। ଏହା ପରେ, ମୁହଁ ଚିହ୍ନଟ ପ୍ରକ୍ରିୟା ଶେଷ କରିବେ। ଆପଣଙ୍କର ଅନୁରୋଧ ଦାଖଲ କରନ୍ତୁ। ୟୁଆଇଡିଏଆଇ ଦ୍ୱାରା ଯାଞ୍ଚ ହେବା ପରେ ଅପଡେଟ୍ ନିଶ୍ଚିତ ହୋଇଯିବ।ଆଧାର ଅପଡେଟ୍ ରହିଥିଲେ, ବିଭିନ୍ନ ସ୍ଥାନରେ ବାରମ୍ବାର ଡକ୍ୟୁମେଣ୍ଟ ଦାଖଲ କରିବାର ଆବଶ୍ୟକତା ନାହିଁ। ଏହା ପ୍ରକ୍ରିୟାକୁ ସରଳ କରିଥାଏ ଏବଂ ପ୍ରତ୍ୟାଖ୍ୟାନର ସମ୍ଭାବନାକୁ ମଧ୍ୟ ହ୍ରାସ କରିଥାଏ।
