ଇଣ୍ଡିଆ’ ମେଣ୍ଟ ଦ୍ୱାରା ଡାକରା ଦିଆଯାଇଥିବା ୧୨ ଘଣ୍ଟିଆ ରାଜ୍ୟବ୍ୟାପୀ ବନ୍ଦ ସମର୍ଥନରେ ଆସନ୍ତାକାଲି ବନ୍ଦ ରହିବ ଅଟୋ-ରିକ୍ସା ସେବା | ବନ୍ଦ ସମୟରେ ଭୁବନେଶ୍ୱର ଏବଂ ରାଜ୍ୟର ଅନ୍ୟାନ୍ୟ ଅଞ୍ଚଳରେ କୌଣସି ଅଟୋ ଚାଲିବ ନାହିଁ। ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଅନ୍ଲାଇନ୍ ଆପ୍-ଆଧାରିତ ଏବଂ ଅଫ୍ଲାଇନ୍ ଉଭୟ ପ୍ରକାରର ଅଟୋ-ରିକ୍ସା ସେବା ବନ୍ଦ ରହିବ। ବନ୍ଦ ସମୟରେ ନିଜ ନିଜ ଅଞ୍ଚଳରେ ହେବାକୁ ଥିବା ବିକ୍ଷୋଭ କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ମଧ୍ୟ ଅଟୋ ଚାଳକମାନଙ୍କୁ କୁହାଯାଇଛି।
ଅଟୋ ସେବା ବନ୍ଦ ରହିବା ଫଳରେ ବିଶେଷକରି ଭୁବନେଶ୍ୱର ଏବଂ ରାଜ୍ୟର ଅନ୍ୟାନ୍ୟ ପ୍ରମୁଖ ସହରଗୁଡ଼ିକରେ ଯାତାୟାତ ଏକପ୍ରକାର ବାଧାପ୍ରାପ୍ତ ହେବ। ଉଲ୍ଲେଖଯୋଗ୍ୟ, ଚାରୋଟି ପ୍ରମୁଖ ଦାବି ନେଇ ‘ଇଣ୍ଡିଆ’ ମେଣ୍ଟ ପକ୍ଷରୁ ଆସନ୍ତାକାଲି ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ୧୨ ଘଣ୍ଟିଆ ଓଡ଼ିଶା ବନ୍ଦ ଡାକରା ଦିଆଯାଇଛି।ହସ୍ପିଟାଲ୍, ଆମ୍ବୁଲାନ୍ସ ଏବଂ ଔଷଧ ଦୋକାନ ସମେତ ଜରୁରୀକାଳୀନ ସେବାଗୁଡ଼ିକୁ ଏହି ବନ୍ଦରୁ ବାଦ୍ ଦିଆଯାଇଛି।
