ଭୁବନେଶ୍ୱର,ଏସିଡ୍ ରିଫ୍ଲକ୍ସ, କେତେକ ଔଷଧର ପ୍ରଭାବ କିମ୍ବା ଅନ୍ୟ ପାଚନ ସମସ୍ୟା ପାଇଁ,ପେଟରେ ଜଳାପୋଡ଼ା ହୋଇଥାଏ । ଜଳାପୋଡ଼ାର କାରଣ ସବୁବେଳେ ଏକା ନୁହେଁ। ପେଟ ଅସୁବିଧା କିମ୍ବା ଜଳାପୋଡ଼ା ସମୟରେ ଅଧିକ ମସଲା, ତେଲ ଓ ଲଙ୍କା ନଥିବା ସାଧା ଭାତ ହାଲୁକା ଖାଦ୍ୟ ଭାବେ, ନିଆଯାଇପାରେ। ଭାତ ରାନ୍ଧିବା ପରେ ଥିବା ପାଣି ମଧ୍ୟ ତରଳ ଆବଶ୍ୟକତା ପୂରଣରେ, ସାହାଯ୍ୟ କରିପାରେ। ପର୍ଯ୍ୟାପ୍ତ ପାଣି ପିଇବା ଶରୀର ପାଇଁ ଜରୁରୀ। ଏହା ସହିତ କାକୁଡ଼ି, ତରଭୁଜ ଏବଂ ନଡ଼ିଆ ପାଣି ଭଳି ପାଣିଯୁକ୍ତ ଖାଦ୍ୟ, ନିଆଯାଇପାରେ। ଆପଣଙ୍କୁ ସୁହାଇଲେ ଆପଲ୍ ଭଳି ଫଳ ମଧ୍ୟ ଖାଇପାରନ୍ତି। ଲୋକଙ୍କୁ ଥଣ୍ଡା କ୍ଷୀର ପିଇଲେ ଅଳ୍ପ ସମୟ ପାଇଁ ଆରାମ ଲାଗିପାରେ। କିନ୍ତୁ ପେଟର ଜଳାପୋଡ଼ା ପାଇଁ କ୍ଷୀର ସମସ୍ତଙ୍କ ନିମନ୍ତେ ଉପଯୋଗୀ ନୁହେଁ। କେତେକ ଲୋକଙ୍କଠାରେ କ୍ଷୀର ପିଇବା ପରେ ଏସିଡିଟି, ଗ୍ୟାସ୍ କିମ୍ବା ବ୍ଲୋଟିଂ ବଢ଼ିପାରେ।ପେଟରେ ଜଳାପୋଡ଼ା ବାରମ୍ବାର ହେଉଥିଲେ, ଖାଦ୍ୟ ବଦଳାଇବା ସହିତ ଆବଶ୍ୟକ ହେଲେ ଡାକ୍ତରଙ୍କ ପରାମର୍ଶ ନେବା ଉଚିତ ।
