ଭୁବନେଶ୍ୱର ,ମଙ୍ଗଳବାର ଦିନ ପ୍ରକାଶିତ ଏକ ବିବୃତ୍ତିରେ, ଯୁକ୍ତରାଷ୍ଟ୍ର ବାଣିଜ୍ୟ ପ୍ରତିନିଧି କାର୍ଯ୍ୟାଳୟ କହିଛି ଯେ, ୧୯୭୪ର ଯୁକ୍ତରାଷ୍ଟ୍ର ବାଣିଜ୍ୟ ଆଇନର ଧାରା ୩୦୧ ଅନୁଯାୟୀ, କରାଯାଇଥିବା ଏକ ତଦନ୍ତ ପରେ, ଏହା ନିଷ୍କର୍ଷିତ ହୋଇଛି ଯେ ୬୦ ଟି ଅର୍ଥନୀତିର ନୀତି, ଏବଂ ଅଭ୍ୟାସଗୁଡ଼ିକ ଯୁକ୍ତରାଷ୍ଟ୍ର ବାଣିଜ୍ୟକୁ, ପ୍ରତିକୂଳ ଭାବରେ ପ୍ରଭାବିତ କରୁଛି।ଆମେରିକାର ବାଣିଜ୍ୟ ପ୍ରତିନିଧି ଜାମିସନ ଗ୍ରୀୟର କହିଛନ୍ତି ଯେ ବାଧ୍ୟତାମୂଳକ ଶ୍ରମରେ ତିଆରି ଉତ୍ପାଦ ଆମଦାନୀ ରୋକିବାରେ ଆମେରିକାର, ପ୍ରମୁଖ ବାଣିଜ୍ୟିକ ଅଂଶୀଦାରଙ୍କ ବିଫଳତା ଗ୍ରହଣୀୟ ନୁହେଁ। ତାଙ୍କ ମତରେ, ଏହା ଆମେରିକୀୟ ଶ୍ରମିକମାନଙ୍କୁ ବିଶ୍ୱ ବଜାରରେ ଅନୁଚିତ ପ୍ରତିଯୋଗିତାର ସମ୍ମୁଖୀନ, ହେବାକୁ ବାଧ୍ୟ କରେ।USTR ଏହି ବର୍ଗରେ ରଖିଥିବା ୫୪ଟି ଦେଶ ଏବଂ ଅର୍ଥନୀତି ମଧ୍ୟରେ ଭାରତ ସାମିଲ ଅଛି। ଭାରତ ବ୍ୟତୀତ ଏହି ତାଲିକାରେ ଅଷ୍ଟ୍ରେଲିଆ, ବାହାରିନ, ବାଂଲାଦେଶ, ଚୀନ୍, ଜାପାନ, କୁଏତ, ସାଉଦି ଆରବ, ସିଙ୍ଗାପୁର, ଯୁକ୍ତରାଜ୍ୟ ଏବଂ ସଂଯୁକ୍ତ ଆରବ ଏମିରେଟ୍ସ ଭଳି ଦେଶ ଅନ୍ତର୍ଭୁକ୍ତ।USTR ସମ୍ପୃକ୍ତ ଦେଶଗୁଡ଼ିକରୁ ଉତ୍ପନ୍ନ ଉତ୍ପାଦଗୁଡ଼ିକ ଉପରେ ଅତିରିକ୍ତ ଶୁଳ୍କ ଲାଗୁ କରିବାର ପ୍ରସ୍ତାବ ଦେଇଛି।ଏଜେନ୍ସି ଅନୁଯାୟୀ, ଯେଉଁ ଦେଶଗୁଡ଼ିକ ବାଧ୍ୟତାମୂଳକ ଶ୍ରମ ବ୍ୟବହାର କରି ପ୍ରସ୍ତୁତ ଉତ୍ପାଦଗୁଡ଼ିକ ଉପରେ ନିଷେଧ ଲାଗୁ କରିଛନ୍ତି କିମ୍ବା ଏପରି କରିବାକୁ ପ୍ରତିବଦ୍ଧତା ପ୍ରକାଶ କରିଛନ୍ତି, ସେମାନଙ୍କ ଉପରେ, ୧୦ ପ୍ରତିଶତ ଅତିରିକ୍ତ ଶୁଳ୍କ ଲାଗୁ କରାଯାଇପାରେ।
