ଭୁବନେଶ୍ୱର,ଯାତ୍ରୀଙ୍କୁ ମୌଳିକ ସୁବିଧା ମିଳିବ। କାରଣ ସମସ୍ତ ବସଷ୍ଟାଣ୍ଡକୁ ଅଟଳ ବସଷ୍ଟାଣ୍ଡ, ଯୋଜନାରେ ସାମିଲ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଏଥିପାଇଁ ପୌରାଞ୍ଚଳରେ ଥିବା ସମସ୍ତ ବସଷ୍ଟାଣ୍ଡକୁ ପରିବହନ ବିଭାଗକୁ ହସ୍ତାନ୍ତର କରାଯିବ। ଏନେଇ ପଦକ୍ଷେପ ଗ୍ରହଣ କରିବା ଲାଗି, ନଗର ଉନ୍ନୟନ ବିଭାଗର ଅତିରିକ୍ତ ମୁଖ୍ୟ ସଚିବଙ୍କୁ ପରିବହନ ବିଭାଗ ପ୍ରମୁଖ ସଚିବ ପତ୍ର ଲେଖିଛନ୍ତି।ପରିବହନ ବିଭାଗ ପକ୍ଷରୁ କୁହାଯାଇଛି ଯେ, ରାଜ୍ୟ କ୍ୟାବିନେଟ ନେଇଥିବା ନିଷ୍ପତ୍ତି, ଅନୁଯାୟୀ ସହରାଞ୍ଚଳରେ ଥିବା ସମସ୍ତ ବସଷ୍ଟାଣ୍ଡର ମରାମତି, ନବୀକରଣ, ରକ୍ଷଣାବେକ୍ଷଣ, ନିର୍ମାଣ, ପରିଚାଳନା ପାଇଁ ସେଗୁଡ଼ିକୁ, ଅଟଳ ବସଷ୍ଟାଣ୍ଡ ଯୋଜନାରେ ସାମିଲ କରାଯିବ।ରାଜ୍ୟର ସହରାଞ୍ଚଳରେ ଥିବା ସମସ୍ତ ବସଷ୍ଟାଣ୍ଡ ନୂଆ ରୂପ ପାଇବ।
