ଭୁବନେଶ୍ୱର ,ଅନେକ ଲୋକଙ୍କ ସ୍ମାର୍ଟଫୋନ୍,ଆଜି ସକାଳେ ହଠାତ୍ ଏକ ଜୋରରେ ଶବ୍ଦ କରି ବାଜି ଉଠିଲା। କିଛି ଲୋକ ଭାବିଲେ ଯେ ସେମାନଙ୍କ ଫୋନରେ କୌଣସି ଯାନ୍ତ୍ରିକ ତ୍ରୁଟି ଅଛି, ଯେତେବେଳେ ଅନ୍ୟମାନେ ଏହାକୁ ଏକ ଫ୍ରଡ୍ ବୋଲି ଭାବିଲେ। କ’ଣ ଆପଣଙ୍କ ପାଖକୁ ବି ଏମିତି ଆଲର୍ଟ ଆସିଛି। ଆଉ ଆପଣ ବି ଭୟଭୀତ ହୋଇଯାଇଛନ୍ତି।ସେମାନଙ୍କ ସ୍କ୍ରିନରେ “ଜରୁରୀକାଳୀନ ସିଭିୟର ଆଲର୍ଟ”ର ମେସେଜ୍ ଆସିବା ଦେଖି, ଅନେକ ଲୋକ ଭୟଭୀତ ହୋଇଗଲେ।ଭାରତ ସରକାରଙ୍କ ଦୂରସଂଚାର ବିଭାଗ ପକ୍ଷରୁ ପଠାଯାଉଥିବା ଏହି ବାର୍ତ୍ତାରେ ସ୍ପଷ୍ଟ ଭାବରେ କୁହାଯାଇଛି: “ଭାରତ ସ୍ୱଦେଶୀ ପ୍ରଯୁକ୍ତିବିଦ୍ୟା ବ୍ୟବହାର କରି ଏକ ସେଲ୍ ପ୍ରସାରଣ ସେବା ଆରମ୍ଭ କରିଛି, ଯାହା ନାଗରିକମାନଙ୍କୁ ବିପର୍ଯ୍ୟୟ ସମ୍ବନ୍ଧରେ ତୁରନ୍ତ ସତର୍କତା ପାଇବାକୁ ସକ୍ଷମ କରିଥାଏ। “ସଚେତନ ନାଗରିକ, ସୁରକ୍ଷିତ ରାଷ୍ଟ୍ର”। ଏହି ବାର୍ତ୍ତା ପାଇବା ପରେ ଜନସାଧାରଣଙ୍କୁ କୌଣସି ପଦକ୍ଷେପ ନେବାକୁ ପଡ଼ିବ ନାହିଁ। ଏହା ଏକ ପରୀକ୍ଷାମୂଳକ ବାର୍ତ୍ତା।ଯେତେବେଳେ ବନ୍ୟା, ଭୂମିକମ୍ପ, ସୁନାମି, ଘୂର୍ଣ୍ଣିବାତ୍ୟା କିମ୍ବା ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ଘଟେ, ଏହି ପ୍ରଯୁକ୍ତିବିଦ୍ୟା ମାତ୍ର କିଛି ସେକେଣ୍ଡ ମଧ୍ୟରେ ଲକ୍ଷ ଲକ୍ଷ ଲୋକଙ୍କୁ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିବ।
