ଭୁବନେଶ୍ୱର, ଅକ୍ଷୟ ତୃତୀୟା ତିଥିରେ ଶାସ୍ତ୍ରୀୟ ବିଧି ଅନୁଯାୟୀ, ରଥ ନିର୍ମାଣ ଅନୁକୂଳ କରାଯାଇଛି। ମହାପ୍ରଭୁଙ୍କ ଶ୍ରୀଅଙ୍ଗ ଲାଗି ଆଜ୍ଞାମାଳ ପ୍ରଦାନ ପରେ,ତିନିଟି ସୁନା କୁରାଢ଼ିରେ ଉଦ୍ଦିଷ୍ଟ କାଠକୁ ଛେଦନ କରି ରଥ ନିର୍ମାଣ ଅନୁକୂଳ କରିଛନ୍ତି,ଦେଉଳ ପୁରୋହିତ।ଶ୍ରୀମନ୍ଦିରରେ ଶ୍ରୀଜୀଉଙ୍କ ମଧ୍ୟାହ୍ନ ଧୂପ ଓ ନକ୍ଷତ୍ର ବନ୍ଦାପନା ପରେ, ଚନ୍ଦନ ଠାକୁର ବିମାନକୁ ବିଜେ କରିଥିଲେ। ଏହାପରେ ଦାରୁବ୍ରହ୍ମ ଶ୍ରୀବଳଭଦ୍ର, ଶ୍ରୀଜଗନ୍ନାଥ ଓ ଦେବୀ ସୁଭଦ୍ରାଙ୍କ ଆଜ୍ଞାମାଳ ସହ ତିନି ପୂଜାପଣ୍ଡା ସାମନ୍ତ ଶୋଭାଯାତ୍ରାରେ, ରଥ ଖଳାକୁ ଯାଇଥିଲେ।ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ. ଅରବିନ୍ଦ କୁମାର ପାଢୀ, ଜିଲାପାଳ ଦିବ୍ୟଜ୍ୟୋତି ପରିଡା ଓ ଆରକ୍ଷୀ ଅଧୀକ୍ଷକ ପ୍ରତୀକ ସିଂହ ପ୍ରମୁଖ ଉପସ୍ଥିତ ଥିଲେ। ଆଗାମୀ ଜୁଲାଇ ୧୬ ତାରିଖରେ ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରା, ଅନୁଷ୍ଠିତ ହେବ। ପୂଜାପଣ୍ଡା ସେବକ ଧଉରା କାଠରେ, ମହାପ୍ରଭୁଙ୍କ ଆଜ୍ଞାମାଳ ଲାଗି କରିଥିଲେ। ପଞ୍ଚ ମହାଦେବଙ୍କ ସହ, ରାମକୃଷ୍ଣ, ମଦନମୋହନ, ଭୂଦେବୀ ଓ ଶ୍ରୀଦେବୀ ସେଠାରେ ପହଞ୍ଚିଥିଲେ। ତିନିଟି ସୁନା କୁରାଢ଼ିରେ ଦେଉଳ ପୁରୋହିତ, ରଥ ନିର୍ମାଣ ପାଇଁ ଉଦ୍ଦିଷ୍ଟ କାଠରେ ଛେଦନ କରିଥିଲେ। ରଥ ନିର୍ମାଣ ଆନୁଷ୍ଠାନିକ ଭାବେ ଶୁଭାରମ୍ଭ କରାଯାଇଥିଲା।
