ଭୁବନେଶ୍ୱର ,ପହଲଗାମରେ ହୋଇଥିବା ସେହି ବର୍ବରୋଚିତ ଆତଙ୍କବାଦୀ ଆକ୍ରମଣ କେବଳ କାଶ୍ମୀର ନୁହେଁ, ବରଂ ସାରା ଦେଶକୁ ସ୍ତବ୍ଧ କରିଦେଇଥିଲା। ଘଟଣାର ଏକ ବର୍ଷ ପରେ ଆଜି ମଧ୍ୟ ସେହି ଭୟଙ୍କର ସ୍ମୃତି ଲୋକଙ୍କ ମନରେ, ସତେଜ ରହିଛି, କିନ୍ତୁ ଏହା ମଧ୍ୟରେ କାଶ୍ମୀର ପୁଣିଥରେ ନିଜ ଗୋଡ଼ରେ ଛିଡ଼ା ହେବାକୁ ଚେଷ୍ଟା କରୁଛି।ଜାମ୍ମୁ-କାଶ୍ମୀର ପର୍ଯ୍ୟଟନ ଶିଳ୍ପକୁ ଶହ ଶହ କୋଟି ଟଙ୍କାର ରାଜସ୍ୱ ହାନି ସହିବାକୁ ପଡ଼ିଥିଲା। ହୋଟେଲ ବୁକିଂ ବହୁ ପରିମାଣରେ, ବାତିଲ ହୋଇଥିଲା। ଆକ୍ରମଣ ପରେ କିଛି ସମୟ ପାଇଁ ଉପତ୍ୟକା ଶୂନଶାନ ହୋଇଯାଇଥିଲା, କିନ୍ତୁ ବର୍ତ୍ତମାନ ପରିସ୍ଥିତି ଧୀରେ ଧୀରେ ବଦଳୁଛି: ବେତାବ ଭ୍ୟାଲି, ସୋନମାର୍ଗ ଏବଂ ଗୁଲମାର୍ଗ ଭଳି ସ୍ଥାନରେ ପର୍ଯ୍ୟଟକଙ୍କ ଭିଡ଼ ପୁଣି ଦେଖିବାକୁ ମିଳୁଛି। କାଶ୍ମୀର ଭ୍ରମଣରେ ଆସୁଥିବା ପର୍ଯ୍ୟଟକଙ୍କ ମତ ଅନୁଯାୟୀ, ସୁରକ୍ଷା ବ୍ୟବସ୍ଥା ବେଶ, କଡ଼ାକଡ଼ି କରାଯାଇଛି। ପ୍ରଶାସନର ମୁଖ୍ୟ ଉଦ୍ଦେଶ୍ୟ ହେଉଛି ଆତଙ୍କବାଦକୁ ପର୍ଯ୍ୟଟନ ମାଧ୍ୟମରେ ଉଚିତ୍ ଜବାବ ଦେବା। ସ୍ଥାନୀୟ ଲୋକଙ୍କ ସହଯୋଗ ଏବଂ ସରକାରଙ୍କ ଆଧୁନିକ ସୁରକ୍ଷା ବଳୟ କାଶ୍ମୀରକୁ ପୁଣିଥରେ ଏକ ନିରାପଦ ପର୍ଯ୍ୟଟନ ସ୍ଥଳ ଭାବରେ ଗଢ଼ି ତୋଳୁଛି। ପହଲଗାମରେ ସୁରକ୍ଷା ବଢ଼ାଇବା ପାଇଁ, ଏକ ନୂତନ QR କୋଡ୍ ସିଷ୍ଟମ୍ ଲାଗୁ କରାଯାଇଛି। ଏହାଦ୍ୱାରା ପର୍ଯ୍ୟଟକ ଏବଂ ସେବା ପ୍ରଦାନକାରୀଙ୍କର ରିଅଲ-ଟାଇମ୍ ଭେରିଫିକେସନ, କରାଯାଇପାରୁଛି। ଅନଧିକୃତ ପ୍ରବେଶ ଉପରେ ରୋକ: ଏହି ପ୍ରଯୁକ୍ତିବିଦ୍ୟା ମାଧ୍ୟମରେ ସନ୍ଦିଗ୍ଧ ଗତିବିଧି ଉପରେ ନଜର ରଖିବା ସହ ଅଣ-ଅନୁମୋଦିତ ବ୍ୟକ୍ତିଙ୍କ ପ୍ରବେଶକୁ ନିୟନ୍ତ୍ରଣ କରାଯାଉଛି।
