ଭୁବନେଶ୍ୱର ,ସୁନାର ହଲମାର୍କିଂ ବାଧ୍ୟତାମୂଳକ। ତେବେ ଏହି ନିୟମ ସତ୍ତ୍ୱେ, ଅପବ୍ୟବହାର ଏବଂ ଅନିୟମିତତାର ଅନେକ ଉଦାହରଣ ସାମ୍ନାକୁ ଆସିଛି। କିଛି ଅଳଙ୍କାର ବ୍ୟବସାୟୀ କମ୍ କ୍ୟାରେଟର ସୁନା ବିକ୍ରି କରୁଥିବା କିମ୍ବା BIS ମାର୍କର ଅପବ୍ୟବହାର, କରୁଥିବାର ଦେଖାଯାଇଛି । ଯାହା ଫଳରେ, ଗ୍ରାହକମାନେ ଆର୍ଥିକ କ୍ଷତି ସହୁଛନ୍ତି। ଫଳସ୍ୱରୂପ, ବର୍ତ୍ତମାନ ବ୍ୟବସ୍ଥାକୁ ଆହୁରି ମଜବୁତ କରିବାର ଜରୁରୀ ଆବଶ୍ୟକତା ରହିଛି, ଯାହା ଦ୍ଵାରା ଯୋଗାଣ ଶୃଙ୍ଖଳର ପ୍ରତ୍ୟେକ ପର୍ଯ୍ୟାୟରେ ଦାୟିତ୍ୱ ସୁନିଶ୍ଚିତ ହେବ।ସରକାରଙ୍କ ନୂତନ ନିୟମ ଅନୁଯାୟୀ, ସୁନା ଅଳଙ୍କାରରେ ଦିଆଯାଇଥିବା ହଲମାର୍କ ୟୁନିକ୍ ଆଇଡେଣ୍ଟିଫିକେସନ୍ ନମ୍ବର, ଆଉ ପୁନଃବ୍ୟବହାର, କରାଯାଇପାରିବ ନାହିଁ। ଏହାର ଅର୍ଥ ହେଉଛି ଏକ ନିର୍ଦ୍ଦିଷ୍ଟ ଜିନିଷ ପାଇଁ ଦିଆଯାଇଥିବା ଏକ ଅନନ୍ୟ ୬-ଅଙ୍କ ବିଶିଷ୍ଟ ଆଲଫାନ୍ୟୁମେରିକ୍ କୋଡ୍ ଯେପରିକି, A2B1C4 ପରବର୍ତ୍ତୀ ସମୟରେ, ଅନ୍ୟ କୌଣସି ଅଳଙ୍କାରରେ ଦିଆଯାଇପାରିବ ନାହିଁ ।୨ ଲକ୍ଷରୁ ଅଧିକ କ୍ରୟ ପାଇଁ ଏକ ପ୍ୟାନ୍ କାର୍ଡ ବାଧ୍ୟତାମୂଳକ।୧୦ ଲକ୍ଷରୁ ଅଧିକ ମୂଲ୍ୟର କ୍ରୟ ପାଇଁ, ଏବେ ପ୍ୟାନ୍ କାର୍ଡ ସହିତ ଆଧାର କାର୍ଡ ଏବଂ ଆୟର ପ୍ରମାଣପତ୍ର ,ପ୍ରଦାନ କରିବା ବାଧ୍ୟତାମୂଳକ।
