ଭୁବନେଶ୍ୱର,ଭୂକମ୍ପ ଝଟକାରେ ପଶ୍ଚିମ କଲମ୍ବିଆ । ପଶ୍ଚିମ କଲମ୍ବିଆର ପେରେଇରା, କ୍ୱିବଡୋ, କାଲି ଏବଂ ମାନିଜାଲେସ୍ ସମେତ ବିଭିନ୍ତି ସହରକୁ,ଭୂକମ୍ପ ଛାରଖାର କରିଦେଇଛି । ଦେଶର ତୃତୀୟ ବୃହତ୍ତମ ସହର କାଲିରେ ଅନୁସନ୍ଧାନକାରୀ ଦଳ ଏବଂ ସାଧାରଣ ନାଗରିକମାନେ, ନଷ୍ଟ ହୋଇଯାଇଥିବା କୋଠାଗୁଡ଼ିକର ଅବଶିଷ୍ଟାଂଶ ମଧ୍ୟରୁ, ଆତ୍ମୀୟଙ୍କୁ ଖୋଜୁଛନ୍ତି । ଶତାଧିକ ବିଲ୍ଡିଂ ନଷ୍ଟ ହେବା ସହ ଅନେକ ଲୋକ ଭଗ୍ନାବଶେଷ ତଳେ ଫସି ରହିଥିବା, ଆଶଙ୍କା କରାଯାଉଛି । ମୃତକଙ୍କ ପରିଜନ ଓ ଉଦ୍ଧାରକାରୀ ଦଳ ଭଗ୍ନାବଶେଷ ତଳୁ ନିଖୋଜଙ୍କୁ ଖୋଜୁଛନ୍ତି ।କଲମ୍ବିଆର ଭୂତତ୍ତ୍ୱ ସେବା କହିଛି ଯେ, ସୋମବାରର ଭୂକମ୍ପ କଲୋମ୍ବିଆରେ, 21ତମ ଶତାବ୍ଦୀରେ ରେକର୍ଡ କରାଯାଇଥିବା ସବୁଠାରୁ ଶକ୍ତିଶାଳୀ ଭୂକମ୍ପ ଥିଲା । ଏହା ପରେ 21ଟି କମ୍ ଶକ୍ତିଶାଳୀ ପରବର୍ତ୍ତୀ ଝଟକା, ଅନୁଭୂତ ହୋଇଥିଲା। ଭୂକମ୍ପର କେନ୍ଦ୍ରସ୍ଥଳ ପାଖାପାଖି ଥିବା କଲମ୍ବିଆର ପ୍ରଶାନ୍ତ ମହାସାଗରୀୟ ଅଞ୍ଚଳ ,ରିଙ୍ଗ ଅଫ୍ ଫାୟାର ସହିତ ଜଡିତ । ଯାହା ପ୍ରଶାନ୍ତ ମହାସାଗରକୁ ଘେରି ରହିଥିବା ଭୂକମ୍ପ ଫଲ୍ଟର ରେଖା, ଯେଉଁଠାରେ ବିଶ୍ୱର ଅଧିକାଂଶ ଭୂକମ୍ପ ହୋଇଥାଏ। କଲମ୍ବିଆର ରାଷ୍ଟ୍ରପତି କହିଛନ୍ତି, ଯେ 570ରୁ ଅଧିକ ଆହତ ହୋଇଛନ୍ତି ଏବଂ ପ୍ରାୟ 1600 ବିଲ୍ଡିଂ, କ୍ଷତିଗ୍ରସ୍ତ ହୋଇଛି । ପ୍ରାୟ 61ଟି ବିଲ୍ଡିଂ ସମ୍ପୂର୍ଣ୍ଣ ଭାଙ୍ଗି ଯାଇଛି। ଭୂକମ୍ପ ପରବର୍ତ୍ତୀ ପୁନରୁଦ୍ଧାର କାର୍ଯ୍ୟ ପାଇଁ ପାଣ୍ଠି ଯୋଗାଣକୁ ତ୍ୱରାନ୍ୱିତ କରିବା ପାଇଁ ସେ, ଜରୁରୀକାଳୀନ ପରିସ୍ଥିତି ଘୋଷଣା କରିବା ସହ ,ବିପର୍ଯ୍ୟୟ ପ୍ରଭାବିତ ଅଞ୍ଚଳ, ପରିଦର୍ଶନ କରିବେ ବୋଲି କହିଛନ୍ତି।
