ଭୁବନେଶ୍ୱର ,ଓଡ଼ିଶା ସରକାର ଡିଜିଟାଲ୍ ଦାନ ପ୍ଲାଟଫର୍ମ ଆରମ୍ଭ କରିବାକୁ ଯାଉଛନ୍ତି।ଶ୍ରଦ୍ଧାଳୁମାନେ ଅନ୍ଲାଇନରେ ମନ୍ଦିରର ହୁଣ୍ଡିକୁ ଦାନ କରିପାରିବେ। ଏହି ବ୍ୟବସ୍ଥାର ପ୍ରଣୟନ ପ୍ରକ୍ରିୟାକୁ ଚୂଡ଼ାନ୍ତ କରିବା ପାଇଁ ଆଜି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।ଅନଲାଇନ୍ ଫ୍ରଡ୍ରୁ ରକ୍ଷା ପାଇବା ଓ କାରବାରର ସୁରକ୍ଷା ନିଶ୍ଚିତ କରିବା ପାଇଁ ଶ୍ରୀ ହରିଚନ୍ଦନ ସାଇବର ସୁରକ୍ଷା ବ୍ୟବସ୍ଥା ଉପରେ ଗୁରୁତ୍ୱ ଦେଇଛନ୍ତି। ଆଜିର ବୈଠକରେ ଆଇନ କମିଶନ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ, ମନ୍ଦିରର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ, ଆଇନ ବିଭାଗର ପ୍ରମୁଖ ସଚିବ ପବିତ୍ର ମୋହନ ସାମଲ ଓ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।ଏହି ପ୍ଲାଟଫର୍ମ ମାଧ୍ୟମରେ ଦିଆଯାଉଥିବା ଦାନ ଆୟକର ରିହାତି ପାଇଁ ଯୋଗ୍ୟ ବିବେଚିତ ହେବ। ଏହି ଅର୍ଥ ପୁରୀ ଶ୍ରୀମନ୍ଦିରର ବିକାଶ ଓ ପରିଚାଳନା ପାଇଁ ବ୍ୟବହାର କରାଯିବ।
