ଭୁବନେଶ୍ୱର,ଉତ୍ତର ପ୍ରଦେଶ ବିଦ୍ୟୁତ ନିଗମର ଅଧ୍ୟକ୍ଷ, ଡକ୍ଟର ଆଶିଷ ଗୋୟଲ ରାଜ୍ୟବ୍ୟାପୀ ପୁରୁଣା ମିଟର ବଦଳାଇବା କାର୍ଯ୍ୟକୁ, ତୁରନ୍ତ ପ୍ରଭାବରୁ ବନ୍ଦ କରିବା ପାଇଁ ଏକ ନିର୍ଦ୍ଦେଶ ଜାରି କରିଛନ୍ତି। ବିଦ୍ୟୁତ ନିଗମ ଉତ୍ତର ପ୍ରଦେଶ ପୁରୁଣା ବିଦ୍ୟୁତ ମିଟରକୁ, ସ୍ମାର୍ଟ ପ୍ରିପେଡ୍ ମିଟରରେ ବଦଳାଇବା ଅଭିଯାନକୁ ଅସ୍ଥାୟୀ ଭାବରେ ବନ୍ଦ କରିଦେଇଛି। କିଛି ମାସ ଧରି, ଉତ୍ତର ପ୍ରଦେଶର ବିଭିନ୍ନ ଜିଲ୍ଲାରେ ସ୍ମାର୍ଟ ମିଟରକୁ ନେଇ ପ୍ରତିବାଦର ସ୍ୱର ଉଠିବାରେ ଲାଗିଛି। ଗ୍ରାହକମାନେ ଅଭିଯୋଗ କରିଛନ୍ତି ଯେ ବିଦ୍ୟୁତ୍ ବିଭାଗର କର୍ମଚାରୀମାନେ, କୌଣସି ନୋଟିସ୍ କିମ୍ବା ସମ୍ମତି ବିନା, ମନଇଚ୍ଛା ଭାବରେ ପୂର୍ବରୁ ଥିବା ମିଟରଗୁଡ଼ିକୁ ବଦଳାଇ ପ୍ରିପେଡ୍ ସ୍ମାର୍ଟ ମିଟର ଲଗାଇଛନ୍ତି।ଅନେକ ଗ୍ରାହକ ଦାବି କରିଛନ୍ତି ଯେ ସ୍ମାର୍ଟ ମିଟର ସ୍ଥାପନ ହେବା ପରେ ସେମାନଙ୍କର ବିଦ୍ୟୁତ୍ ବିଲ୍ ହଠାତ୍ ବୃଦ୍ଧି ପାଇଛି। ପ୍ରିପେଡ୍ ସିଷ୍ଟମର ବାଲାନ୍ସ ସରିବା ମାତ୍ରେ ବିନା ଚେତାବନୀରେ ବିଦ୍ୟୁତ୍ କାଟ ଯୋଗୁଁ ଜନସାଧାରଣଙ୍କ ଅସନ୍ତୋଷ ବ୍ୟାପକ ହୋଇଥିଲା।ଉତ୍ତର ପ୍ରଦେଶରେ ଏପର୍ଯ୍ୟନ୍ତ ମୋଟ ୭.୮ ନିୟୁତ ସ୍ମାର୍ଟ ମିଟର ସ୍ଥାପନ କରାଯାଇଛି। ଏଥିମଧ୍ୟରୁ ୭.୦୫ ନିୟୁତ ପ୍ରିପେଡ୍ ମିଟର। ବିଦ୍ୟୁତ୍ ନିଗମ ସମଗ୍ର ରାଜ୍ୟକୁ ପ୍ରିପେଡ୍ ସିଷ୍ଟମରେ ଆଣିବାକୁ ଲକ୍ଷ୍ୟ ରଖିଛି….
