ଭୁବନେଶ୍ୱର ,ଇରାନ ଏକ ଶାନ୍ତି ଚୁକ୍ତି ବଦଳରେ ସମୃଦ୍ଧ ୟୁରାନିୟମର ଭଣ୍ଡାର ହସ୍ତାନ୍ତର କରିବାକୁ, ରାଜି ହୋଇଥିବା ଡୋନାଲ୍ଡ ଟ୍ରମ୍ପଙ୍କ ପରାମର୍ଶକୁ ପ୍ରତ୍ୟାଖ୍ୟାନ କରିଛି। ତେହେରାନ କହିଛି ଯେ, ଆଲୋଚନା ଏପର୍ଯ୍ୟନ୍ତ ପ୍ରାଥମିକ ପର୍ଯ୍ୟାୟରେ, ଅଛି ଏବଂ ଶେଷ ହେବାକୁ ସପ୍ତାହ ଲାଗିପାରେ। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଯଦି ଇରାନ ସହିତ କୌଣସି ଚୁକ୍ତି ନହୁଏ, ତେବେ ଆମେରିକା ପୁଣି ବୋମାମାଡ଼ କରିବ।
ଲେବାନନରେ, ୧୦ ଦିନିଆ ଅସ୍ତ୍ରବିରତି କାର୍ଯ୍ୟକାରୀ ହେବା ପରେ, ଏକ ଉତ୍ସବମୁଖୀ ପରିବେଶ ସୃଷ୍ଟି ହୋଇଛି, ଯାହା ଇସ୍ରାଏଲୀ ଏବଂ ଲେବାନନ ଅଧିକାରୀଙ୍କ ମଧ୍ୟରେ ଏକ ଦୀର୍ଘକାଳୀନ ଚୁକ୍ତି ସମ୍ପର୍କରେ ଆଲୋଚନା ପାଇଁ, ପଥ ପ୍ରଶସ୍ତ କରିଛି। ଏହି ସମୟରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ଯେ ଇରାନ ସହିତ ସଂଘର୍ଷ ସମାପ୍ତ କରିବା ପାଇଁ ଏକ ଚୁକ୍ତି “ଅତ୍ୟନ୍ତ ନିକଟତର”, ଯେତେବେଳେ ଇରାନର ବୈଦେଶିକ ମନ୍ତ୍ରଣାଳୟ ଏହି ଯୁଦ୍ଧବିରତିକୁ ସ୍ୱାଗତ କରି ଏହାକୁ ଆଞ୍ଚଳିକ ସଂଘର୍ଷକୁ, ରୋକିବା ପାଇଁ ୱାଶିଂଟନ ସହିତ କରାଯାଉଥିବା ବ୍ୟାପକ ପ୍ରୟାସର, ଏକ ଅଂଶ ଭାବରେ ବର୍ଣ୍ଣନା କରିଛି।
