ସଲମାନ , ଟାଇଗରଙ୍କ ପରେ ଭୟରେ ଅମିତାଭ ବଚ୍ଚନ । ବଲିଉଡ୍ ଅଭିନେତା ବିଗ୍ ବି’ ଅମିତାଭ ବଚ୍ଚନଙ୍କୁ ମିଳିଛି ବୋମା ଧମକ । ମୁମ୍ବାଇସ୍ଥିତ ତାଙ୍କ ବାସଭବନ ‘ଜଲସା’କୁ ବୋମାରେ ଉଡ଼ାଇ ଦେବାକୁ ଧମକପୂର୍ଣ୍ଣ ଇ-ମେଲ୍ ମିଳିଥିବା ପୋଲିସ ସୂଚନା ଦେଇଛି।
ପୋଲିସର ସୂଚନା ଅନୁସାରେ, ଏହି ଧମକପୂର୍ଣ୍ଣ ଇ-ମେଲ୍ କେବଳ ଅମିତାଭଙ୍କ ଘରକୁ ନୁହେଁ, ବମ୍ବେ ହାଇକୋର୍ଟ ଏବଂ ମହାଲକ୍ଷ୍ମୀ ରେସକୋର୍ସକୁ ମଧ୍ୟ ପଠାଯାଇଥିଲା। ଏହି ସମସ୍ତ ସ୍ଥାନରେ ପୋଲିସ ଯାଞ୍ଚ କରିଥିଲେ ମଧ୍ୟ କୌଣସି ସନ୍ଦେହଜନକ ବସ୍ତୁ ମିଳିନାହିଁ। ଧମକପୂର୍ଣ୍ଣ ଇ-ମେଲ୍ଟି କେଉଁଠାରୁ ଆସିଛି, କିଏ ପଠାଇଛି ଏବଂ ଏହା ପଛରେ କାହାର ହାତ ରହିଛି, ସେନେଇ ପୋଲିସ ତଦନ୍ତ ଆରମ୍ଭ କରିଛି।
ପୂର୍ବରୁ ମଧ୍ୟ ଅମିତାଭ ବଚ୍ଚନଙ୍କୁ ଏଭଳି ଧମକପୂର୍ଣ୍ଣ ଇ-ମେଲ୍ ମିଳିଥିଲା। ପୂର୍ବରୁ ଆସିଥିବା ଇ-ମେଲ୍ରେ ମୁମ୍ବାଇ ମେୟର ଋତୁ ତାୱଡେ ଏବଂ ଡେପୁଟି ମେୟର ସଞ୍ଜୟ ଘାଡ଼ିଙ୍କୁ ମଧ୍ୟ ମେଲ୍ରେ ଟ୍ୟାଗ୍ କରାଯାଇଥିଲା। ଆଉ ଏବେ ପୁଣି ଥରେ ବୋମା ଧମକ ମିଳିଥିବା ବେଳେ ତାଙ୍କ ସୁରକ୍ଷାକୁ ନେଇ ଚିନ୍ତା ବଢ଼ିଛି।
