ସିନ୍ଧୁ ଜଳ ଚୁକ୍ତିନାମା ଭାରତ ବନ୍ଦ କରିବା ପରେ ଆକୁଳ ହେଉଛି ପାକିସ୍ତାନ | ସେଥିପାଇଁ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ୍ ସରିଫ୍ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଆଲୋଚନା କରିବେ କୁହାଯାଉଛି | ସେପ୍ଟେମ୍ବର ୨୩, ୨୦୨୬ରେ ମିଳିତ ଜାତିସଂଘ ସାଧାରଣ ସଭା (UNGA)ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଆଉ ତାଙ୍କୁ ଟ୍ରମ୍ପ ଏବଂ ଆମେରିକାର ପ୍ରଥମ ମହିଳା ମେଲାନିଆ ଟ୍ରମ୍ପ ଏକ ସ୍ୱାଗତ ରାତ୍ରୀଭୋଜନ ପାଇଁ ନିମନ୍ତ୍ରଣ କରିଛନ୍ତି। ହେଲେ ଏହି ବୈଠକରେ ସିନ୍ଧୁ ଜଳ ଚୁକ୍ତିନାମା ପ୍ରସଙ୍ଗରେ ଆଲୋଚନା ହୋଇପାରେ |
TOI ରିପୋର୍ଟ ଅନୁଯାୟୀ, ତାଙ୍କ ଅଭିଭାଷଣରେ ସେ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବାର ଭାରତର ନିଷ୍ପତ୍ତି ବିଷୟରେ ପାକିସ୍ତାନ କଥା ଉଠାଇପାରନ୍ତି। ପହଲଗାମ ଆତଙ୍କବାଦୀ ଆକ୍ରମଣ ପରେ ଏପ୍ରିଲ ୨୦୨୫ରେ ଭାରତ ୧୯୬୦ରେ ଆରମ୍ଭ ହୋଇଥିବା ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଥିଲା| ଯେଉଁଥିରେ ୨୬ ଜଣ ସାଧାରଣ ନାଗରିକଙ୍କ ମୃତ୍ୟୁ ହୋଇଥିଲା। ଭାରତ କହିଛି ଯେ ସୀମାପାର ଆତଙ୍କବାଦକୁ ସମର୍ଥନ କରିବା ପାଇଁ ପାକିସ୍ତାନ ସମ୍ପୂର୍ଣ୍ଣ ଭାବରେ ବନ୍ଦ ନ କରିବା ପର୍ଯ୍ୟନ୍ତ ଚୁକ୍ତିନାମା ସ୍ଥଗିତ ରହିବ। ସେବେଠାରୁ, ପାକିସ୍ତାନ ବିଭିନ୍ନ ସ୍ଥାନରେ ବିବୃତ୍ତି ଦେଇ ପାଣି ଦାବି କରି ଆସୁଛି।
ଏହା ବ୍ୟତୀତ ସାଉଦି ଆରବ ଏବଂ ତୁର୍କୀ ସହିତ ଏକ ନୂତନ ସୁରକ୍ଷା ସହଭାଗୀତା, ଏବଂ ମକ୍କା ଚୁକ୍ତି ବିଷୟରେ ମଧ୍ୟ ଏହି ବୈଠକରେ ଆଲୋଚନା ହୋଇପାରେ | ଏହି ତିନି ଦେଶ ଅଗଷ୍ଟ 7, 2026 ରେ ଏହି ସୁରକ୍ଷା ଚୁକ୍ତିନାମାରେ ସ୍ୱାକ୍ଷର କରିଥିଲେ, ଯାହା ଦ୍ୱାରା ଏକ ସାମୂହିକ ପ୍ରତିରକ୍ଷା ଢାଞ୍ଚା ପ୍ରତିଷ୍ଠା କରାଯାଇଥିଲା |
