ଭୁବନେଶ୍ୱର ,କେରଳର ୱାୟାନାଡ ଜିଲ୍ଲାରେ ମଙ୍ଗଳବାର ଏକ ବଡ଼ ଭୂସ୍ଖଳନ ଘଟି, ଦୁଇ ଜଣଙ୍କର ମୃତ୍ୟୁ ଘଟିଛି। ଭଗ୍ନାବଶେଷ ତଳେ ଅନେକ ଫସି ରହିଥିବା ଆଶଙ୍କା କରାଯାଉଛି।ଜରୁରୀକାଳୀନ ଦଳ ପହଞ୍ଚିବା ପୂର୍ବରୁ ସ୍ଥାନୀୟ ଲୋକମାନେ ଘଟଣାସ୍ଥଳରୁ, ତିନି ଜଣଙ୍କୁ ଉଦ୍ଧାର କରିଥିଲେ। ଅଧିକାରୀମାନେ କହିଛନ୍ତି ଯେ ଉଦ୍ଧାର କରାଯାଇଥିବା ଲୋକମାନେ, ସୁଡ଼ଙ୍ଗ ରାସ୍ତା ପ୍ରକଳ୍ପରେ କାମ କରୁଥିବା ଶ୍ରମିକଙ୍କ ବାସସ୍ଥାନରେ ରହୁଥିଲେ। ଅଧିକାରୀମାନେ ଏପର୍ଯ୍ୟନ୍ତ ତଦନ୍ତ କରୁଛନ୍ତି ଯେ, କୌଣସି ଶ୍ରମିକ କିମ୍ବା ନିକଟବର୍ତ୍ତୀ ବାସିନ୍ଦା ଭଗ୍ନାବଶେଷ ତଳେ, ଫସି ରହିଛନ୍ତି କି ନାହିଁ। ଭୂସ୍ଖଳନ ନିକଟସ୍ଥ ଆବାସିକ ଘର ଏବଂ ହୋମଷ୍ଟେଗୁଡ଼ିକୁ ମଧ୍ୟ ପ୍ରଭାବିତ କରିଛି, ଯାହା ବାସିନ୍ଦାଙ୍କ ମଧ୍ୟରେ, ଚିନ୍ତା ସୃଷ୍ଟି କରିଛି। ଭୂସ୍ଖଳନ ଖବର ପାଇବା ମାତ୍ରେ କାଲପେଟାରୁ, ଅଗ୍ନିଶମ ଏବଂ ଉଦ୍ଧାର ସେବା ଦଳ ଘଟଣାସ୍ଥଳକୁ ପହଞ୍ଚିଥିଲେ। ପୁଲିସ କର୍ମଚାରୀ, ଅଗ୍ନିଶମ ଏବଂ ଉଦ୍ଧାର ସେବା ଏବଂ ଜାତୀୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ ଦଳଗୁଡ଼ିକୁ ଉଦ୍ଧାର କାର୍ଯ୍ୟ ପାଇଁ ନିୟୋଜିତ କରାଯାଇଛି।ଉଦ୍ଧାରକାରୀ ଦଳ ଏକ ସନ୍ଧାନ ଅଭିଯାନ ଆରମ୍ଭ କରିଛନ୍ତି, ଅଧିକାରୀମାନେ ଏପର୍ଯ୍ୟନ୍ତ କେତେ ଲୋକ ଫସି ରହିଛନ୍ତି ତାହା ନିର୍ଣ୍ଣୟ କରିବାକୁ ଚେଷ୍ଟା କରୁଛନ୍ତି। ଅଧିକାରୀମାନେ କହିଛନ୍ତି ଯେ ପ୍ରବଳ ବର୍ଷା ଯୋଗୁଁଁ, ସୋମବାର ସୁଡ଼ଙ୍ଗ ସ୍ଥାନରେ, କାମ ବନ୍ଦ ରଖାଯାଇଛି। ଗତ ୨୪ ଘଣ୍ଟା ମଧ୍ୟରେ ଏହି ଅଞ୍ଚଳରେ, ପ୍ରାୟ ୨୬୫ ମିମି ବର୍ଷା ହୋଇଛି ।
