ଭୁବନେଶ୍ୱର ,ବୁଧବାର ଦିନ ଇସ୍ରାଏଲ ଏବଂ ଲେବାନନ ଯୁଦ୍ଧବିରତି ଲାଗୁ କରିବାକୁ ସହମତ ହୋଇଛନ୍ତି।ଯୁଦ୍ଧବିରତିର ସଫଳତା ପାଇଁ ହିଜବୁଲ୍ଲାର ସମସ୍ତ ସାମରିକ କାର୍ଯ୍ୟକଳାପ, ବନ୍ଦ ହେବା ଅତ୍ୟନ୍ତ ଜରୁରୀ ବୋଲି ଉଭୟ ପକ୍ଷ ଜୋର ଦେଇଛନ୍ତି। ୱାଶିଂଟନରେ ଆମେରିକାର, ନେତୃତ୍ୱରେ ଅନୁଷ୍ଠିତ ଆଲୋଚନା ପରେ ଜାରି କରାଯାଇଥିବା ଏକ ମିଳିତ ବିବୃତ୍ତିରେ ଏହି ସୂଚନା ଦିଆଯାଇଛି।କିଛି ଦିନ ପୂର୍ବରୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଥିଲେ ଯେ, ଇସ୍ରାଏଲ ଏବଂ ଲେବାନନ ଉଭୟ ଉତ୍ତେଜନା ହ୍ରାସ କରିବାକୁ, ପ୍ରତିଶ୍ରୁତିବଦ୍ଧ। ତେବେ ରାଜନୈତିକ ସ୍ତରରେ ଆଲୋଚନା ଚାଲିଥିଲେ ମଧ୍ୟ, ବାସ୍ତବ କ୍ଷେତ୍ରରେ ସଂଘର୍ଷ ସମ୍ପୂର୍ଣ୍ଣ ରୂପେ ଶାନ୍ତ ପଡ଼ିନାହିଁ।ଉଭୟ ଦେଶ ସ୍ପଷ୍ଟ କରିଛନ୍ତି ଯେ, ଏହି ଯୁଦ୍ଧବିରତି କେବଳ ସେତେବେଳେ ହିଁ କାର୍ଯ୍ୟକାରୀ, ହେବ ଯେତେବେଳେ ଇରାନ ସମର୍ଥିତ ସଂଗଠନ ‘ହିଜବୁଲ୍ଲା’ ସମସ୍ତ ପ୍ରକାର ଆକ୍ରମଣ ଏବଂ ଗୁଳିଚାଳନା ସମ୍ପୂର୍ଣ୍ଣ ଭାବେ ବନ୍ଦ କରିବ। ଇସ୍ରାଏଲ ଏବଂ ଲେବାନନ ମଧ୍ୟରେ କୌଣସି ଔପଚାରିକ କୂଟନୈତିକ ସମ୍ପର୍କ ନଥିଲେ ମଧ୍ୟ, ଆଞ୍ଚଳିକ ସ୍ଥିରତା ପାଇଁ, ଉଭୟ ପକ୍ଷ ଆଲୋଚନା ଜାରି ରଖିଛନ୍ତି।ଉଭୟ ପକ୍ଷ ଆଗାମୀ ଜୁନ୍ ୨୨ ତାରିଖରୁ ଆରମ୍ଭ ହେଉଥିବା ସପ୍ତାହରେ ପୁନର୍ବାର ଆଲୋଚନା ପାଇଁ ଏକତ୍ରିତ ହେବେ। ଏହି ବୈଠକରେ, ରାଜନୈତିକ ଏବଂ ସୁରକ୍ଷା ସମ୍ବନ୍ଧୀୟ ପ୍ରସଙ୍ଗଗୁଡ଼ିକ ଉପରେ, ବିସ୍ତୃତ ଆଲୋଚନା କରାଯିବ।
