ମୋବାଇଲ ନ୍ୟୁଜ୍ 24×7 ବ୍ୟୁରୋ, ଏପ୍ରିଲ ୨୫ରୁ ୨୮ ତାରିଖ ପର୍ଯ୍ୟନ୍ତ ପାଳିତ ହେବ ସାଲେପୁର ମହୋତ୍ସବ ଏବଂ ମଧୁବାବୁ ଜୟନ୍ତୀ ଉତ୍ସବ । ଉତ୍କଳ ଗୌରବ ମଧୁବାବୁ ଜୟନ୍ତୀ କମିଟି ଆନୁକୂଲ୍ୟରେ ଏହି କାର୍ଯ୍ୟକ୍ରମ ସାଲେପୁର ହାଇସ୍କୁଲ ପଡ଼ିଆରେ ୪ ଦିନ ଚାଲିବ । ସାଲେପୁରର ପୂର୍ବତନ ବିଧାୟକ ତଥା ମଧୁବାବୁ ଜୟନ୍ତୀ କମିଟିର ଆବାହକ ପ୍ରକାଶ ଚନ୍ଦ୍ର ବେହେରା ଏହି ସୂଚନା ଦେଇଛନ୍ତି ।
ଏହି ଅବସରରେ ଆୟୋଜିତ ପ୍ରାକ ପ୍ରସ୍ତୁତି ବୈଠକରେ ଅସନ୍ତୋଷ ଝାଡ଼ିଥିଲେ ପ୍ରକାଶ ବେହେରା । ସେ କହିଥିଲେ ମଧୁବାବୁ ହେଉଛନ୍ତି ନବ ଉତ୍କଳର ଜନକ । ତାଙ୍କୁ ଯେଉଁଭଳି ଭାବେ ଓଡିଶା ମାଟିର ସମ୍ମାନ ଦେବକଥା ତାହା ଆଜି ପର୍ଯ୍ୟନ୍ତ କୌଣସି ବି ସରକାର ଦେଲେନାହିଁ । ଆମ ଜୟନ୍ତୀ କମିଟି ଏକଥା ଘରେ ଘରେ ପହଁଞ୍ଚାଇବ । ସେହିପରି ମଧୁବାବୁଙ୍କୁ ଭାରତ ରତ୍ନ ପ୍ରଦାନ ପାଇଁ ଉଭୟ ଭାରତ ଏବଂ ଓଡିଶା ସରକାରଙ୍କ ପାଖରେ ମହୋତ୍ସବ ମାଧ୍ୟମରେ ଦାବି ରଖାଯିବ ବୋଲି ପ୍ରକାଶ କହିଛନ୍ତି ।
