ଭୁବନେଶ୍ୱର ,ଚଳିତ ଆଇପିଏଲରେ ଆୟର ପ୍ରଥମ ଅଧିନାୟକ ଭାବେ, ଦଣ୍ଡିତ ହୋଇଛନ୍ତି। ଆଇପିଏଲ ପରିଚାଳନା ପରିଷଦ, ପଞ୍ଜାବ କିଙ୍ଗ୍ସ ଅଧିନାୟକ ଶ୍ରେୟସ ଆୟରଙ୍କ ଉପରେ, ୧୨ ଲକ୍ଷ ଟଙ୍କାର ଏକ ବଡ଼ ଜୋରିମାନା ଲଗାଇଛି। ପଞ୍ଜାବ କିଙ୍ଗ୍ସ ଧିମା ଓଭର ବୋଲିଂ ପାଇଁ ଅଧିନାୟକ ଆୟରଙ୍କ ଉପରେ ଏହି ଜୋରିମାନା ଲାଗୁ କରାଯାଇଛି। ଆଇପିଏଲ ପରିଚାଳନା ପରିଷଦ ପକ୍ଷରୁ, ଏକ ବିବୃତିରେ କୁହାଯାଇଛି ଯେ, ନ୍ୟୁ ଚଣ୍ଡିଗଡ଼ର ନ୍ୟୁ ଇଣ୍ଟରନ୍ୟାସନାଲ ଷ୍ଟାଡ଼ିୟମରେ, ଗୁଜରାଟ ଟାଇଟାନ୍ସ ବିପକ୍ଷ ମ୍ୟାଚରେ ପଞ୍ଜାବ କିଙ୍ଗ୍ସ ନିର୍ଦ୍ଧାରିତ ସମୟରେ ଇନିଂସ ଶେଷ କରିପାରିନଥିଲା। ଧିମା ବୋଲିଂ ପାଇଁ ଅଧିନାୟକ ଶ୍ରେୟସ ଆୟରଙ୍କ ଉପରେ, ୧୨ ଲକ୍ଷ ଟଙ୍କାର ଜୋରିମାନା ଲାଗୁ କରାଯାଇଛି। ମଙ୍ଗଳବାର ନ୍ୟୁ ଚଣ୍ଡିଗଡରେ ଖେଳାଯାଇଥିବା ମ୍ୟାଚରେ ପଞ୍ଜାବ କିଙ୍ଗ୍ସ ୩ ୱିକେଟରେ, ଗୁଜରାଟ ଟାଇଟାନ୍ସକୁ ପରାସ୍ତ କରିଥିଲା। ପଞ୍ଜାବ ବିଜୟୀ ହୋଇଥିଲେ ମଧ୍ୟ ଅଧିନାୟକ ଶ୍ରେୟସ ଆୟରଙ୍କ ପାଇଁ ଭଲ ନଥିଲା। ସେ ଖେଳ ସମୟରେ ଆଘାତ ପ୍ରାପ୍ତ ହୋଇଥିବାବେଳେ ଏବ ତାଙ୍କ ଉପରେ, ଜୋରିମାନା ଲାଗୁ କରାଯାଇଛି।
