ଭୁବନେଶ୍ୱର,ଡିଜିଟାଲ୍ ଗିରଫ ଠକେଇରେ ବ୍ୟବହୃତ ହ୍ୱାଟ୍ସଆପ୍ ଡିଭାଇସ୍ ଆଇଡି ଗୁଡ଼ିକୁ, ରୋକିବା ପାଇଁ ସରକାର ସେମାନଙ୍କୁ ବ୍ଲକ୍ କରିବାକୁ ନିର୍ଦ୍ଦେଶ ଦେଇଛନ୍ତି। କଠୋର ଆଭିମୁଖ୍ୟ ଗ୍ରହଣ କରି, ସରକାର ସମସ୍ତ ଡିଭାଇସ୍ ଅବରୋଧ କରିବାକୁ ନିର୍ଦ୍ଦେଶ ଦେଇଛନ୍ତି। ଯେଉଁଥିରେ ସାଇବର ଅପରାଧୀମାନେ ହ୍ୱାଟ୍ସଆପ୍ ଆକାଉଣ୍ଟ ଖୋଲନ୍ତି । ଏବଂ ନିରୀହ ଲୋକଙ୍କୁ ଡିଜିଟାଲ୍ ଗିରଫ କରି ସେମାନଙ୍କ ଟଙ୍କା ଠକି ନିଅନ୍ତି।ରିପୋର୍ଟ ଅନୁଯାୟୀ, ଠକମାନେ ଇନଷ୍ଟାଣ୍ଟ ମେସେଜିଂ ଆପ୍ ହ୍ୱାଟ୍ସଆପରେ, ଆକାଉଣ୍ଟ ତିଆରି କରନ୍ତି । ଏବଂ ଲୋକଙ୍କୁ ଡିଜିଟାଲ୍ ଭାବରେ, ଗିରଫ କରିବା ପାଇଁ ହ୍ୱାଟ୍ସଆପ୍ ଫୋନ୍ ଏବଂ ଭିଡିଓ କଲ୍ କରନ୍ତି। ତା’ପରେ ସେମାନେ ମେସେଜ୍ ପଠାନ୍ତି ଏବଂ ଲୋକମାନଙ୍କୁ ନିଜ ଫାଶରେ ଫସାଇ ଦିଅନ୍ତି। ପ୍ରତ୍ୟେକ ନୂତନ, ଠକେଇ ପାଇଁ ସେମାନେ ନୂତନ ଆଇଡି ସୃଷ୍ଟି କରନ୍ତି। ତେଣୁ, କେବଳ ସେହି ଫୋନ୍ ଗୁଡିକୁ ବନ୍ଦ କରାଯିବ , ଯେଉଁଥିରେ ବାରମ୍ବାର ହ୍ୱାଟ୍ସଆପ୍ ଆଇଡି ସୃଷ୍ଟି କରାଯାଏ।କେନ୍ଦ୍ର ଗୃହ ମନ୍ତ୍ରଣାଳୟ, ଏହାର ସାଇବର ଶାଖା, ଇଣ୍ଡିଆନ୍ ସାଇବର କ୍ରାଇମ୍ କୋଅର୍ଡିନେସନ୍ ସେଣ୍ଟରର ଏକ ରିପୋର୍ଟ ଆଧାରରେ ଏହି ନିଷ୍ପତ୍ତି ନେଇଛି।
