ନୂଆଦିଲ୍ଲୀ: ପଶ୍ଚିମ ବଙ୍ଗ ବିଧାନସଭା ନିର୍ବାଚନ ପାଇଁ ମୁଖ୍ୟମନ୍ତ୍ରୀ ମମତା ବାନାର୍ଜୀ ତୃଣମୂଳ କଂଗ୍ରେସ (ଟିଏମସି) ଇସ୍ତାହାର ପ୍ରକାଶ କରିଛି। ‘ଲକ୍ଷ୍ମୀ ଭଣ୍ଡାର’ ଯୋଜନା ଅଧୀନରେ ସାଧାରଣ ବର୍ଗର ମହିଳାମାନଙ୍କ ପାଇଁ ଟିଏମସି ୧,୫୦୦ ଟଙ୍କା ଏବଂ SC/ST ପାଇଁ ୧,୭୦୦ ଟଙ୍କା ମାସିକ ଅନୁଦାନ ଘୋଷଣା କରିଛି। ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, “ବେକାର ଯୁବକମାନେ ପକେଟ ଟଙ୍କା ଭାବରେ ପ୍ରତି ମାସରେ ୧,୫୦୦ ଟଙ୍କା ପାଇବେ। ଟିଏମସି ମୁଖ୍ୟ ମମତା ବାନାର୍ଜୀ କହିଛନ୍ତି ଯେ, “ଆମେ ‘ଦୁଆର ଚିକିତ୍ସା’ (ଘର ଦ୍ୱାରରେ ସ୍ୱାସ୍ଥ୍ୟ ସେବା) ଆରମ୍ଭ କରିବୁ। ଆମେ ପ୍ରତ୍ୟେକ ବୁଥରେ ଏହାକୁ ଆରମ୍ଭ କରିବୁ ଏବଂ ଆମେ ‘ଦୁଆର ଚିକିତ୍ସା’ ଶିବିର ସ୍ଥାପନ କରିବୁ। ହଜାର ହଜାର ସ୍କୁଲକୁ ଇ-ଶିକ୍ଷା ସୁବିଧା ସହିତ ଆଧୁନିକୀକରଣ କରାଯିବ।” ଆଗାମୀ ଦିନରେ ଆମେ ୭-୮ ଟି ନୂତନ ଜିଲ୍ଲା, ବ୍ଲକ ଏବଂ ଏପରିକି ନୂତନ ପୌରପାଳିକା ସୃଷ୍ଟି କରିବୁ। ଟିଏମସି ପୁନର୍ବାର କ୍ଷମତାକୁ ଆସିବା ପରେ କୃଷି କ୍ଷେତ୍ରର ବଜେଟରେ ବୃଦ୍ଧି ଘୋଷଣା କରିଛି। ମମତା ବାନାର୍ଜୀ କହିଛନ୍ତି ଯେ, “ଚାଷ ଉପରେ ନିର୍ଭରଶୀଳ ପରିବାରଗୁଡ଼ିକୁ ସହାୟତା କରିବା, ଭୂମିହୀନ ଚାଷୀମାନଙ୍କୁ ସମର୍ଥନ କରିବା ଏବଂ କୃଷି କ୍ଷେତ୍ରକୁ ଆହୁରି ଉନ୍ନତ କରିବା ପାଇଁ ମୁଁ ୩୦ ହଜାର କୋଟି ଟଙ୍କାର କୃଷି ବଜେଟ୍ ପ୍ରଦାନ କରିବାକୁ ମଧ୍ୟ ପ୍ରତିବଦ୍ଧ। ଏହା ସହିତ ଘର ଘର ଚିକିତ୍ସା ସେବା ସୁନିଶ୍ଚିତ କରିବା ପାଇଁ ପ୍ରତ୍ୟେକ ବ୍ଲକ ଏବଂ ସହରରେ ଚିକିତ୍ସା ଶିବିର ଆୟୋଜନ କରାଯିବ।” ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, “ମୁଁ ବଙ୍ଗଳାର ଲୋକମାନଙ୍କୁ ଏକତ୍ରିତ ହୋଇ ବଙ୍ଗଳାକୁ ରକ୍ଷା କରିବା ପାଇଁ ବିଜେପି ବିରୁଦ୍ଧରେ ଲଢ଼ିବାକୁ ନିବେଦନ କରୁଛି। ଯଦି କେନ୍ଦ୍ରୀୟ ଏଜେନ୍ସିଗୁଡ଼ିକ ଆପଣଙ୍କୁ ଭୟଭୀତ କରିବାକୁ ଚେଷ୍ଟା କରୁଛନ୍ତି, ତେବେ ଭୟ କରନ୍ତୁ ନାହିଁ। ଯଦି ସେମାନେ ଆପଣଙ୍କୁ ଟଙ୍କା ଦେବାକୁ ଚେଷ୍ଟା କରୁଛନ୍ତି, ତେବେ ଏହାକୁ ଗ୍ରହଣ କରନ୍ତୁ ନାହିଁ। ସେମାନେ ସୀମାନ୍ତ ଅଞ୍ଚଳରୁ ଟଙ୍କା ଏବଂ ଅସ୍ତ୍ରଶସ୍ତ୍ର ଆଣନ୍ତି, ମାଫିଆମାନେ ଏଠାରେ ଅଶାନ୍ତି ଏବଂ ଦଙ୍ଗା ସୃଷ୍ଟି କରିବାକୁ ଚେଷ୍ଟା କରୁଛନ୍ତି। ମୁଁ ବିଭାଜନକାରୀ ରାଜନୀତି କରୁନାହିଁ। ହିନ୍ଦୁ, ମୁସଲମାନ, ଶିଖ ଏବଂ ଖ୍ରୀଷ୍ଟିଆନ ସମସ୍ତେ ସମାନ।”
