ଭୁବନେଶ୍ୱର , ଏସିଆ କପ 2025ର ମହାମୁକାବିଲା ।ଆଜିଠୁ ଆରମ୍ଭ ହେବାକୁ ଯାଉଛି,ଏସିଆ କପ୍, କିନ୍ତୁ ଭାରତୀୟ କ୍ରିକେଟ୍ ଦଳ ଗୋଟିଏ ଦିନ ପରେ ସଂଯୁକ୍ତ ଆରବ ଏମିରାତ (UAE) ବିପକ୍ଷରେ ତା’ର ଅଭିଯାନ ଆରମ୍ଭ କରିବ। ଏହା ମଧ୍ୟ ଗ୍ରୁପ୍-Aର ପ୍ରଥମ ମ୍ୟାଚ୍ ହେବ।
ଭାରତୀୟ ଦଳକୁ ତା’ର ପ୍ରଦର୍ଶନ ସହିତ ଟୁର୍ଣ୍ଣାମେଣ୍ଟରେ ଏକ ଦୃଢ଼ ଦାବିଦାର ଭାବରେ ବିବେଚନା କରାଯାଉଛି । ଅନ୍ୟପକ୍ଷରେ UAE ତା’ର ଖେଳାଳିଙ୍କ ଶକ୍ତିରେ ଦର୍ଶକଙ୍କୁ ଚକିତ କରିବା ଉଦ୍ଦେଶ୍ୟରେ ମୈଦାନକୁ ଓହ୍ଲାଇବ।
ଉଭୟ ଦଳ ବିଜୟ ସହିତ ଟୁର୍ଣ୍ଣାମେଣ୍ଟ ଆରମ୍ଭ କରିବାକୁ ଚାହିଁବେ। ପ୍ରଶଂସକଙ୍କ ପାଇଁ ସବୁଠାରୁ ବଡ଼ ପ୍ରଶ୍ନ ହେଉଛି ଏହି ମ୍ୟାଚ୍ କେବେ ଆରମ୍ଭ ହେବ ଏବଂ ଏହାକୁ କେଉଁଠାରେ ଦେଖାଯାଇପାରିବ
ଭାରତ ଏବଂ UAE ମଧ୍ୟରେ ଏହି ମ୍ୟାଚ୍ ବୁଧବାର ଅର୍ଥାତ ସେପ୍ଟେମ୍ବର 10 ରେ ଖେଳାଯିବ। ଭାରତୀୟ ସମୟ ଅନୁସାରେ ରାତି 8:00 ଟାରେ ମ୍ୟାଚ୍ ଆରମ୍ଭ ହେବ। ଟସ୍ ମ୍ୟାଚ୍ ଆରମ୍ଭ ହେବାର ଅଧ ଘଣ୍ଟା ପୂର୍ବରୁ ଅର୍ଥାତ୍ ସନ୍ଧ୍ୟା 7:30 ଟାରେ ଖେଳାଯିବ। ଏହି ମ୍ୟାଚ୍ ଦୁବାଇ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଖେଳାଯିବ, ଯେଉଁଠାରେ ଦର୍ଶକଙ୍କ ପ୍ରବଳ ଭିଡ଼ ଆଶା କରାଯାଉଛି।
